فكرة رائعه ربى يوفقك و يسعدك

ياليت العرسان يوافقون يطلعون معى بالونيت احطهم بالحوض ب 100 بس البانوراما غاليه مااقدر على اقصادها

وعليكم السلام ورحمة الله وبركاته ..

والله ياخووي لو تفتح بقالة ابرك لك من هالمشروع ..

بعدين المعاريس اذا شافوك سعودي ما رايح يركبون معك .. حقيقة

وجهة نظرررررر

شكرا لكم لتفاعلكم مع موضوعي

المشروع تحت التفكير ولكن ان ناوي على شراء بانوراما خلال الشهر القادم واللي خلاني احرص على هذا الموضوع هو غلاء الايجار في مكاتب التاجير ولو وضعت بسعر مغري وبدون تامين اتوقع الجميع سوف يقوموا بايحارها وقيام احد الاعضاء في احد المواقع بهذا العمل واموره ماشاء الله في التمام

وبخصوص اخي فهد
اشكرك على وحهة نظرك
ولكن انا لن اركب معي العريس والعروسه
فقط اخذ العريس من بيته الى القصر ثم الى الفندق وهنا ينتهي دوري

اكيد لو كان العريس مع زوجته موقفي يصير بايخ

في انتظار تفاعل البقيه ياريت المشاركه من الجميع

نجاح المشروع على حسب إقبال الناس لهالفكرة في منطقتك
وع حسب وضعك المادي

هل شراء هالسيارة ترهق ميزانيتك
ولا عادي !!
إذا عادي حلو ..
إذا ترهق ميزانيتك فكر بمشروع آخر مضمون ربحه لأن مو كل المعاريس يهتمون بركوب سيارة فخمة ليلة زواجهم..

وبالتوفييق

هلا فيك أخوي

وإذا منت موظف تابع الوظائف هنا

من جد تتكلم فيه أشياء في بلدنا مثل كذا .... حركات يا عرسان تبوك !!

طيب ورى العريس ما يسوق بنفسه من زود الفلوس ؟! ....

بصراحة أول مرة أعرف ان بعض العرسان في تبوك يبحثون عن واحد يوصلهم ... طيب ورى ما يسوقون بأنفسهم ؟ وش اللي يمنعهم ! مثل في أحد البلدان من زود الفلوس عندهم يبتعثون الحلاقين للخارج يدرسون على حساب الدولة تخصص حلاقة ...

لا يكون هاذي من عادات وتقاليد الزواجات في مدينة تبوك ؟

أنا من سكان الغربية ولا مره قد شفت عريس واحد يوصله للفندق أو ياخذه من أي مكان بالسيارة ...

مثل ما قلت انك إنت اذا ملزّم على انك تشتري السيارة لاستخدامك الشخصي وتوصل عرسان الله يرزقك الشغل مهب عيب ولكن لا تكون من الناس اللي تهمل متطلبات أهملك وتهمل دراستك أو مستقبلك لجل شغلة مثل كذا ...

لأنه للأسف بعض الناس عنده ليموزين ( السيارة الصغيرة) ومهمل دراسته ومتطلبات أهله أو ما كمل جامعة بحجة الليموزين ما خذ كل وقته ...

سؤال / بانوراما قصدك السيارة المعروفة (شركة مرسيدس) مهب الليموزين الطويلة صح !

أهم شيء مثل ما قلت لك لا تهمل مستقبلك والشغل مهب عيب أنا إشتغلت كداد على سيارة 5 سنوات
ليما إنكسر ظهري والحين الحمد لله توظفت في جمعية خيرية وبعد سيارة المكدة وشريت سيارة ثانية.

اللي اعرفه ان العريس من زود قروشه يستأجر السيارة لمدة اسبوع او شهر بالكثير وبنفس الوقت يكشخ فيها كل هذه الفترة اما مجرد توصيل وابن البلد فاصرف النظر عنها تماما وابحث عن ما يغنيك عنها والمشاريع على قفى من يشيل بس تحتاج شخص ذكي وينتهز الفرص .

واذا تبغى تدخل بمشروع جديد اشتر السيارات الطويله الفخمه والله يعينك

يعطيكم العافيه

حطمتوني يا جماعة الخير هههههههههههه

بصراحه السياره استخدام شخصي وقليل ما استخدمها لوجود سياره صغيره اخرى والغرض من هذا المشروع هو ان السياره واقفه واستفيد من وقفتها في هذا الموضوع لان هنا عندنا في تبوك مكاتب التاحير اسعارهم مرتفعه جدا تخيل ايجار 24 ساعه 2700 ريال مع تامين 15 الف ريال يدفع كاش عند المكتب وتكون موظف مرتبتك عاليه غير كذا لا
وهذا اللي خلاني استغل وقت فراغي
طبعا انا موظف ولله الحمد
وانا متاكد ان الجميع يرغب بان يتم زفافه على سياره فخمه ولكن شروط المكتب تعجيزية هي ما جعلت الناس تبتعد عن ايجارها

سبحان الله وبحمده سبحان الله العظيم

اخوي لافي طيب ورى ما تأجر سيارتك البانوراما بسعر أقل من سعر المكاتب أول شيء تعمل إعلانات في كذا منتدى مثلا + تكتب على قزاز سيارتك ايجار وتحط رقم جوالك + وش رايك في اعلان في جريدة الرياض أو عكاظ وتحط رقم جوالك ....

هاذي \الطريقة عملها واحد من الشباب في سيارته الاضافيه لكزس واستفاد ...

سوي مثله والله يوفقك ....

بس لا تأجر أكثر أسبوعين لجل تستفيد من ناس غيرهم