حبايبي مساء الخير

قبل امس رحت للحرس الملكي في جدة عندنا هنا
.. على الساعه 6 ونص ف الصباح ...

المهم لقيت مجموعه شباب عند البوابه ووقفت معاهم ومعاي الملف حقي

وشوي الا جا الضابط ومعه عسكر يشوفون اللي طويل ويدخلونه

المهم سالني الضابط وش شهادتك ؟ قلتله كلية التقنية .. قلي كم طولك ؟ قلتله 178
قال خلاص ادخل وروح قيس الطول والوزن ..

المهم قست الطول والوزن وبعدها شافو شعري طويل شوي وقالوا لازم تروح تحلق الحين وترجع بسرعه ..
عشان تكمل اجراءاتك .. المهم رحت وحلقت ف اقرب مكان ورجعت لهم
وقالولي خلاص انتظر شوي .. وانتظرت وبعدها نادوني عشان اطابق البيانات اللي سجلت بها ف النت ..
وقالوا خلاص روح لمكتب الضابط جنبنا بالغرفه اللي قدامنا عشان تسوي معه المقابله الشخصيه ..
المهم انتظرت شوي .. ودخلوني عنده وسألني اش اسمك وكم رقم هويتك وكم عدد اركان الاسلام ..

وبعدها قاللي نقطه مهمه .. قاللي انت بما انك متخرج من كلية التقنية ( دبلوم ادارة ) راح تكون جندي اول فقط ، ومافي وظايف فنية .. ولو فيه فني كان حطيناك فني لانك دبلوم بس مع الاسف
حاليا مافيه .. ولكن بعد تعيينك اذا توفرت وظيفه فنيه راح نحطك فيها ان شاء الله .. بس بالبدايه راح تكون جندي اول امن وحمايه ...

وقلتله خلاص موافق بس اهم شي اضمن انو اذا توفرت وظيفه اداريه او فنيه راح يتم نقلي فيها .. قاللي ايه ماعليك هذا وعد مني ان شاء الله ابشر ..

المهم الحمدللله بعد المقابله اعطوني موعد للكشف الطبي يوم 2 / 7 بمستشفى الملك فهد للقوات المسلحه بجوار الحرس الملكي بالضبط ..
وكمان اعطوني موعد بنفس التاريخ لأختبار اللياقه البدنيه الساعه 4 ونص العصر ..

هذا كل شي صار يوم راجعتهم قبل امس والحمدلللللله على كل حال
بس الصراحه حقين الحرس الملكي تعاملهم راقي جدا وفيه سهوله بالتنظيم وكل شي ..

وفتحت هذا الموضوع عشان اقولكم على كل شي عشان الكل يكون في الصورة بشكل عام
واللي يبغى الحرس الملكي بشكل خاص ..

ملاحظه : الشهر هذا كله ترا تسليم الملفات مفتوح بجدة بس اهم شي الشخص يكون مقدم ف النت من اول ويكون مرشح عشان يقدر يكمل اجراءاته ..


حستقبل تعليقاتكم واسئلتكم الله يوففقكم ويرعاكم

يسعد مسائك ..

مبروووووووك وعقبال القبول النهائي

من أفضل القطاعات العسكرية وجوده في مدن رئيسيه وكذلك في تأمين طبي على شركة التعاونية

اللي ينقبل فيه يعتبر انسان محظوظ جدا بشرط ان يخلص في عمله

وبالتوفيق

بالتوفيق للجميع ان شاء الله

انا بتابع الطلب يقول غير متاح ...

بالتوفيق يارب والله فررحت لك كثير الله يتمم على خير

الله يسعدكم كلكم يارب .. شكرا لوجودكم

هل التقديم مازال مفتوح على الموقع الرسمي ؟ ...
ويعطيك العافية يارب ...
بالتوفيق للجميع يارب ...
جزاك الله كل خير ...