السلام عليكم

انا عندي مشكله يا جماعه مع عملي انا موقع عقد سنوي المهم داومت معهم لي اربع وداخل بالخمس شهور انا مارتحت بالمكان وطبيعه العمل فحبيت اقدم استقاله قالولي لازم تدفع مبلغ الرواتب المتبقي من السنه انا هنا انصدمت والله انا لو عندي والله ما جلست معهم دقيقه بس مضطر وش السوات يا جماعه افيديوني علما ان راتبي 4000 وباقيلي من السنه 7 شهور قالي اضرب الراتب مع الشهور المتبقيه وادفع واطلع قالي قانون من وزارة العمل

اول مرهـ اسمع إن فيه شرط جزائي

بعض الشركات تستغل جهل الموظف بالبنود وهو احيانا يكون من حسن نية الموظف

مثل مالهم بنود أيضاً عليهم بنود بالعقد

والمفروض عليك وعلى كل واحد يشتغل بشركه أنه ياخذ نسخه من العقد لو يصورها بجواله

عشان الواحد يعرف اللي له واللي عليه

مشكلتك ماراح احد يفيدك فيها طالما ماعندك صوره للعقد تستند عليها وتشوف في شرط جزائي او لا

لكن لا تستقيل لحد ماتروح لمكتب العمل وتستفسر منه _ وهل شرط دفع المبلغ نظامي او لا

وهو بيخلصك منهم ومن تعسفهم

ياأخي أقسم بالله أقسم بالله اقسم بالله

أني ضحكت لين قلت بس


قالو لك أيش قالو أدفع باقي الرواتب المتبقيه من السنه

أسمعني زين لو حبيت تمشي قدم الأستقاله بتاريخ شهر مقدم

لو كنت تبي تحافظ على مستحقاتك

لو كانت ماتبي تحافظ على مستحقات وبأعتقادي خمس شهور مالك الا راتب أجازه وأشياء بسيطه

المهم تمشي وتتركهم وتقول عطوني شهادة خبر وأخلاء طرف

ولاأنتم شايفين مني ولا ريال سامعين ولا هلله

ولو ماتعطوني شهادة خبره وأخلاء طرف بين وبينكم مكتب العمل والنظام بصفك

ومستعد لتقديم لك النصح والمشوره من خلال هذا الموضوع خلال فترة التفاوض بينك وبينهم

وبالأخير راح نرجع نضحك مره ثانيه عليهم

تقـدم أستقالتك وتحسب شهر الانذار من تاريخ استقالك ي تداوم وتاخذ راتب هالشهر او تدفع لهم راتب هالشهر وتوكل على الله - هذا حسب نظام العمل والعمال ، وغير هالكلام ليس صحيح .

تستحق شهادة خبرة واخلاء طرف ويحذف اسمك من التأمينات

حراااام ... مساكين
وانت شرير
المفروض تعطيهم باقي العقد + اللي إستلمته منهم

نصيحة الشركة هذي لا تشتكيهم في مكتب العمل
هذي الله يسلمك تروح تبلغ عليهم مكافحة المخدرات + وزارة التجارة "لان شكل صنفهم خايس"


قال ايش .. تدفع باقي العقد

الحمداللة والشكــر.

الشركة ماقالت للموظف ادفع الا بموجب عقد
وهذا نظام الشركات اللي تعطي تدريب منتهي بالتوظيف ونظامها من مكتب العمل
مبلغ التدريب يكون مدفوع بالكامل للموظف بشرط انه مايطلع خلال السنه
وفي حالة انه يبغي يطلع يدفع المبلغ المتبقي من التدريب
يااخي كمل معاهم تحمل 6 شهور خلصها ولا تدفع شي
الا اذا حصلت فرصه لاتعوض زي ارامكوا مثلا
كما صار لأحد الاشخاص اللي اعرفهم وقع مع شركة تدريب منتهي بالتوظيف وطلع من اول ترم
دفع 4000 ريال لانه حصل فرصه في ارامكوا