البنات الي تعينو لاتنسون العشره كل يوم ادخل اقول اكيد بلقى وحده منكم راده هنا تطمنا عن اخبارها وش فيكم معد لكم حس نفسي اعرف كيف تجربتكم ووين تعينت كل وحده منكم يعني نطمن عليكم بس بحكم العشره الي بيننا استعدينا لقياس سوا وانتظرنا المفاضله سوا وفرحنا لكم بالتعيين

الشي المحزن المبكي شفته هذا الصباح في احد المنتديات بعض الجامعيات القديمات يسألون خلاص معد فيه مكرمه راحت علينا المكرمه وش هالقلوب اعوذ بالله
وين الوفاء لاختكم الي تعبت عشانكم وراحت وسافرت ومابقت باب مادقته عشانكم وفالاخير في لحظه سجنها ومصيبتها وضيقها تجي عديمه احساس منسدحه على سريرها حولها اطفالها وزوجها واهلها تتذمر معد فيه مكرمه شي عجيب

الحين في ازمتها المفروض كل وحده شجعتها يوم من الايام وكان تقولها روحي واحنا معاك المفروض اشوف الالاف الي كانو يدعمونها في تويتر يدافعون عنها مثل ماكانو يدعمونها اشوف الهاشتاقات حقت الدفاع عنها خامده وينعدون عالاصابع الي يدافعون خلاص الحين خفتم على انفسكم خلاص الحين صارت شي منسي بالنسبة لكم صارت حلم وانتهى

اتمنى معد اشوف وحده تتكلم وتتكلم وتتكلم واذا جاء الجد انخشت ومعد نشوف الاغبارها لاعجب لانا في زمن يقولون مالايفعلون

هدووووووء..يابنات كل واحد بياخذ رزقه ..اشوف كلام طويل ونقاش..روقوا..وخلونا نتسلى زي قبل

الف الف مبروك

مساء الخير لبنات ..
كل ذا الكلام طلع بعد ترشيح

يابنت كل امر مسلم خير --- سواء في اخر الجنوب او حتى جنب بيتة
ابذلوا الاسباب بس



والجميع موجود
والتخصصات دين والعربي من 12 الى تحت متخرجين
وحاسب وانجليزي ادارة مانعدي اربع او خمس سنين وحدة 8سنين
-- سجلنا وماتوقعنا بجازان في منا سمع وخاف انا سمعت والان شفت لقيت الوضع جدا عادي
الى الان ماوجهونا الى قطاعات ومحافظات لكن باذن الله اكتب لكم كل شي جديد واشجع الي خافوا من الغربة الغالب مغترب -- مو بحث عن ماده قد ماهو البحث عن ذات وتحقيق هدف سعينا علية واحنا ندرس ونطبق عندنا امل بالوظيفة الي حبينها

اولا واخيرا بالتوفيق لجميع وتابعوا مستجدات ان شاء الله بموضوع جديد او بذا الموضوع ماوعدكم لكن بحاول ودعواتكم يابنات
اتمنى لكم جميعا ان تخوضوا تجربة

عاطله بامتياز
الله يسهل امرك وربي يوفقك ويبارك لكرفي وظيفتك انتي وجميع المغتربات
طمنينا عليك وعلى مكان اقامتك

الله ييسر امورك ياعاطلة

كيف الجو في جيزان. براد والا حر
وهل عندهم قرى جبلية ونائية ووعرة

موفقييين