الله لا يهينك ويعطيك العافيه

شباب لاحد يشيل هم في تسليم الملفات متساهلين مرره

واذا غلطت عادي يبدلون لك الدفتر

هذا طبعا اذا قبل ما توقعه وتختمه من العمده والشرطه

انا غلطت في الخانات حقت الاسماء ورحت لهم وريتهم الغلط وبدلوه لي الحمد لله

الوضع سهاله بس برضه الواحد يحرص انه ما يغلط


واي سؤال عن فتره ال45 يوم ان شاء الله ما اقصر معكم

يارب وظفني وين دورتك

يارب وظفني
الحال من بعضه وانا اخوك الماء والله تقطع حلوقنا نبي ماء وان خلوك تشرب شربت حار.. صحيح كانت 21 بس صعبه شوي واللي ماتعود ع الشمس مشششكله هذا غير الجزاوات الجماعيه اللي يكون مالك فيه ويكرونك بالشمس زحف وامتد بس ربك سهلها وعديناها وان شاء الله كل من يقراء ردي سواء من حقين الدوره الجايه او غيره ان شاء الله انه رجل وقدها .. يبيلها تحمل بس وحنا لسه باقي قدامنا 4 الى 5 شهور ..
الا ابسالكم ي حقين جده فيه مدرب مدري يطقطق ولا صادق يقول بعد العيد يمكن تقعدون اسبوعين متواصله ):
مدري يطقطق ويلعب بنفسياتنا ولا وش .. قالولكم شيء من هالطاري ,مع اني اتوقع خلاص بعد العيد ان شاء الله اسبوع ونطلع

بالتوفيق للجميع وعقبالنا ان شاء الله

يلشباب كل عام وانتم بخير عندي استفسار الي هو هل يدققون بالمعرف يعني لازم موظف

السلام عليكم
كل عام وانتم بخير
ياشباب الحين رواتب الحرس كم مع بدلات وبدون بدلات
وشي ثاني اذكر قال لازم شخص يشتغل بوظيفه حكوميه للمعرف اوشهود افيدونا لاهنتم
وبنسبه لدوره ياليت احد يفيدنا بالتفاصيل عن نظام اليومي
بالتوفيق للجميع

يجي من ي فيدنا ان شاء الله ي الدحمي

عناد والزمن انا بدوره جده




اخوي دحومي النظام اول اسبوع كان اغلبه حصص رياضيه وهروله

يصحونك قبل الصلاه بساعه تقريبا

بعدها نصلي ونروح الميدان وتبدا الحصه الاولى 45 دقيقه تاخذ لفتين على المضمار مشي وبعدها هروله عاد الهروله تقريبا ما بين 3-5 لفات هروله
وممكن لفتين على حسب المدرب اللي معاك وحسب الصوت

بعدها نروح الميز نفطر وبعدها نريح تحت الشجر نص سساعه تقريبا وبعدها تبدا الحصه الثانيه تكون غاليا مشي بس وتمارين اطاله وتمارين لياقه

والساعه 11 نروح الميز غدا وبعدها نروح السكن نوضي ونصلي داخل السكن الظهر

وبعدها عاد يدونك المسلخ ههههههه ميدان زفلت

ياخذون التكميل وبعدها تصليبه ساعه او ساعه ونص تقريبا عاد على حسب المزاج ويطلعون الناس المتجازين ويكرفونهم كرف الحمير

وبعدها نروح السكن نريح الين صلاه العصر وبعدها حصه رياضه اليم قبل المغرب نروح السكن نوضي وبعدها نصلي بالميدان وبعد المغرب مباشره نروح الميز نتعشى ونرجع نوضي ونصلي العشا وبعد صلاه العشا على حسب الرقيب المستلم يا يصرفونا السكن ننام او تصليبه محترمه

هذا تقريبا برنامج الاسبوع الاول

اما بعدها تقريبا نفس النظام بس حصه الرياضه الصباح تكون وحده بس اللي هي قبل الفطور وبعدها الساعه 8 يدخلونك فصول التعليم الين 11 وبعدها تتغدا وبدال حصه الرياضه بالعصر تكون حصه مشاع عسكريه يعلمونك المشاه العسكريه والحركات العسكريه


وعاد الله يعينا على بعد 45 ما ندري وش يصير فيها