لا حول ولا قوة إلا بالله وحسبي الله ونعم الوكيل .بنات يطالبون برجوع تصنيف التخصصات وبنات غيرهم يطالبون بأولوية كلية التربية على الجامعة واللي تبغى تدخل مع اعداد المعلمات في الابتدائي .
يعني وبعدين ما بنخلص ليش احنا يالحريم كذا ، الرجال ما سووها .
الرسول الكريم عليه أفضل الصلاة والتسليم يقول ( لا يؤمن أحدكم حتى يحب لأخيه ما يحب لنفسه ) واحنا لا حول ولاقوة إلا بالله كل وحدة تفكر بأنانية وكيف تطلع باقتراح يقصي أكبر نسبة من البنات عشان يوصلها الدور .
مع ان طريقة الخدمة المدنية في الترشيح عادلة نوعا ما معظم اللي ترشحوا قديمات نقاط الأقدمية 20 و18 يعني لو صبرنا شوي حيجي دورنا بإذن الله .
الواحد ما يدري سبحان الله يطالب ويطالب ويقترح وهو مو ضامن حياته .
بدل ما تتوحد المطالب بزيادة الوظائف ورفع الاحتياج الفعلي او استحداث وظائف تليق بمؤهلاتنا ، للأسف اقتراحاتنا كلها أنانية وحسد وقلة حياء . استغفر الله بس ،


لا حول ولاقوة إلا بالله وحسبي الله ونعم الوكيل .

أحيائيه كلامك منطقي وصحيح 100%بدل مانوحد جهودنا ومطالبنا من الوزارة نضارب مع بعض المفروض نكون صف واحد خريجات قديمات وحديثات تربويات وغير تربويات إعداد معلمات وجامعيات كلنا لنا الحق بالتوظيف في دوله دخلها مليارات لكن حسبنا علی من يضيعها ويحرمنا التوظيف
وتأكدو لو لكم رزق بتاخذوه محظ ياخذ رزقك أو مكانك الرزق بكف الرزاق وحده بلاش حسد لبعض الله يخليكم خلونا نصفي نويانا تجاه بعض ونوحد كلمتنا عشان نقدر نوصل صوتنا للمسؤولين

السلام عليكم ورحمة الله.
اختكم خريجة فيزياء غير تربوية - لم اختبر قياس حتى الآن ..
طبعاً الاختبار القادم بيكون في شهر 4 والله المستعان.
لكن للأسف الاحتياج هذه المرة كان قليل جداً !!
ونقاط التعيين الأخيرة كانت مفاجئة نوعاً ما؛ تخصص الفيزياء وقف عند 80.7 تبارك الله.
ونقاط الأقدمية فرقت كثير في التعيين طبعاً ..
الله يكتب لنا ولكم التوفيق والنجاح في القادم؛ تفائلوا بالخير تجدوه..

مركز قياس ماعندهم مشكلة بالإعاده بالعكس هم كسبانين في كل مره تعيدين بفلوس بس وزارة التربية والتعليم والخدمة المدنيه بأي إختبار تاخذ خصوصا بعد ماتدخل الدرجات في تكامل ..أتوقع التعقيد من جهة وزارة التربيه والله أعلم

السلام عليكم بنات
انا تخصصي كيمياء
وتو شفت ملفي والترشيحات واقل نقاط تعينت
وكاتبين في جدول اقل نقاط للمتقدمين على رغباتك

انهم اخذو بنات نقاطهم 66 في رجال المع معلمة ابتدائي
واخذو بنات نقاطهم 65 في محايل

انا نقاطي في ال70 ابغى افهم كيف ياخذو بنات نقاطهم اقل وانا مختارة نفس الرغبات ؟؟


ياريت احد يفهمني

اخواتي من فضلكم..
هل تدريس المرحلة الابتدائية ؛ محصور فقط بخريجات كلية اعداد المعلمات ؟
النقطة الثانية ..
لاحظت في خانة المؤهل لبعض الأخوات المتعينات لتدريس المرحلة الابتدائية , ان المؤهل : البكالوريوس
فقط .. من غير توضيح لنوع المؤهل !
هل هذا يؤثر بالتعيين !!
يعني انا مثلا خريجة فيزياء .. اضع المؤهل تخصصي ولا اختار علوم ؟!!
ياليت اللي عندها معلومة توضح لنا باستفاضة .. والله يعطيكم الصحة والعافية مقدماً.

بالنسبه للتقديم ع الاداري هل هو للتربويات ؟؟؟؟؟