عفوا الفتره الاولى يا صديقي تربوين فعادي لو نقاطه نازله

والله بلشونا بسالفة تربوي وغير تربوي الحين احنا بندرس ثانوي مو ابتدائي عشان يفرقو لهالدرجة

فيزيائي واقعي الي وضفوهم في الفترة الاولى 132 فيزيائي في تخصص الفيزياء والعلوم غير مسارات الفيزياء واجد توظفوا في العلوم وما بقى غير الفيزيائيين الغير تربويين الي زيي وزيك اتوقع 130 وظيفة فيزيائي وانشاء الله لا يقل عن 10 وظايف يوضفون الفيزيائيين في مادة العلوم والعام الماضي قلل من كثير من التكدس في التخصص على هذه الاحتمالات بنيت ان ليش ما ينزل النقاط الى 50 اتفائل

كل عام وانتم بخير
أعاد الله رمضان علينا و عليكم اعواما عديدة
ورزقكم بالرزق الحلال الطيب

.

.

تفائلو ياشباب

ان شاء الله جميع المجتازين سيترشحون

ثقوا بالله

ي شباب هونو الموضوع شوي
لان من البداية لين النهاية ما في شي بيدنا
تخرج وتخرجنا
قياس واجتزنا
باقي التربوي الله ييسر لنا التعيين من دونه
امر الله وشق القربه طالبين 130 بس
اللي يتعين راح نقول له مبروك
واللي ما تعين راح نقوله حاول تاخذ تربوي وان شاء الله يحالفك الحظ المره الجاية

هذا رزق يعني ما بيدنا شئ
عشان كذا تفاؤلو

ان شاء الله متفائلين لكن نسال عن الدبلوم التربوي احد سجل منكم ساعدونا

بالنسبة للدبلوم التربوي انا ما سجلت
والمشكلة ان الجامعات ما تقبل تقدير مقبول
والجامعة العربية المفتوحة تقبل مقبول لكن وضعها مزري

والله رمضان عدى زي السلام عليكم !
ياليت شوال مثله ، أعرفه أطول شهر من يوم ماعرفت الدنيا
لكن إن شاءالله إنها سهالات
باقي أقل من 22 يوم ونعرف وش الهرجه

أنا عن نفسي لي كم يوم صافقني تفائل الله لا يوريكم
كنت والعياذ بالله من كلمة كنت ، مغشوش بالإحصائيات
لكن بعد ماروقت ولفحني ذلك الأمل حسيت إني متجه للمقابلة الشخصية بعد كم يوم لدرجة إني جالس أراجع من الحين أركان الصلاة وشروطها وبعض المعلومات عن مملكتنا الحبيبة من اليوم الوطني وإلخ عشان لا أنحشر فيها هناك وباقي ماوصلت لمرحلة مراجعة التخصص من قوانين ومصطلحات الفيزياء للصفوف الثانويه لكن بخليها في شوال لأنه معطيني مساحه وموب مقصر معي

على العموم أنا أطالب وبشده أنكم تتفائلون وتتركون التشاؤوم لو بالكذب أهم شي تفائلوا وصدقوني إننا بإذن واحد أحد ماراح يقعد في الموضوع ذا أحد
130 مقعد ناهيك عن مقاغد العلوم هذي كفيله بإحتواء 130 متخرج ومعدي قياس من الفيزيائيين > للعقول الراقية فقط :-)
ألحين ركزوا على العيد وقضو وعينو خير ونراكم بإذن الله ثامن العيد
وفق الله الجميع وأراح لنا البال وأكرمنا بالتعيين عاجلاً غير آجل
إنه ولي ذلك والقادر عليه
وصلي اللهم على نبينا محمد وعلى آله وصحبه وسلم تسليماً كثيرا
وكل عام وأنتم بخير

كل عام وانت بخير