وش تختار الدفاع المدني او المباحث ؟

اذكره يغفرذنبك · #1 (**permalink**) 26-04-2014, 05:16 PM

السلام عليكم ورحمة الله وبركاته

كيف حالكم شباب ,,

ياشباب انا محتار وابي شوركم ,, الي مانستغني عنه ولا يخيب

انا ولله الحمد مقدم في المباحث العامه ونزل أسمي

ومقدم بعد في الدفاع المدني ونزل أسمي بعد

فاصرت محتار مررره بين الثنتين

كل ماسال شخص الي يقولي لا المباحث افضل والثاني يقولي لا الدفاع المدني افضل

فاا صرت محتار مررره

قلت بطرح الشور هنا في المنتدى عند اهل التجارب والخبره استفيد انا وغيري

الثقه في الله ثم فيكم

ابي رأي كل شخص ,, وأذ وجد يذكر السلبيات والاجابيات في الثنتين

وشاكر لكم ♥ ♥ ♥ ♥ ♥ ♥ ♥ ♥ ♥

دبلوم اتصالآت · #2 (**permalink**) 26-04-2014, 05:19 PM

اللي تجيك دورتها اول رح لها

لاتترك وحده عشات الثاانية ـ خلص امورك فيها كلها وبعدين استخير

كلها الوظيفتين طيبة وراتبها فوق ال 8

عاطل حتى حين · #3 (**permalink**) 26-04-2014, 05:25 PM

شف والله يابعدي كلهاا زينه ومن افضل القطاعات العسكريه المباحث والدفاع المدني والامن العام

انا اقول خلص اوراقك كلها عندهم اثنينهم واستخر واللي دورته اول وتشوفهم متاسهلين خشها

يعني رح للمواعد وخلصها وترى الشهاده الاصليه تبقى معك ماياخذونها يعني تقدر تراجعهم كلهم وتخلص

المباحث سلبياتها اجتماعيه .. اما دوامها اريح وافضل لكن اجتماعيا تصير منبوذ تخبر ربعنا يخافون من شي اسمه مباحث

اما الدفاع المدني فهي زينه جدا كانك تعرف تسبح ودوام راحه ماتنزنق الا وقت الحرايق وكلها سهالات ورواتب مثلها مثل المباحث ولاجيت بديره صغيره تفلها لابعد الحدود

على ماقال دبلوم خلص بهن كلهن واللي تجيك اول ادخلها ولا انشد ناس موظفه بهالقطاعين وانشدهم عن الدوامات على حسب تخصصك وشف اللي يجوز لك ادخله

موفق يابعدي

خ الروقي · #4 (**permalink**) 26-04-2014, 05:28 PM

أخـــذ كلام دبلووم
ما شاء الله كل وحده أحلى من الثانية وكلها رواتبها حلووه
واللي تجي قبل أدخلها وربي يوفقك .

موسيقار اسيا · #5 (**permalink**) 26-04-2014, 08:36 PM

اذكرة كيف حالك ياخوي بشرني عنك
اجل انت نفس وضعي محير بين الثنتين
والله انا نصحني واحد من الجماعه قال ان كان تبغى رواتب عليك فالمباحث وان بغيت النوم والراحة رح للدفاع المندي
والثنتين حلوة لكني اشوف المباحث افضل

خررريج تقنيه · #6 (**permalink**) 26-04-2014, 09:04 PM

اننت من وين
لان زينت دفاع مدني يعيننوك بنفس منطقتك
واذا بدفاع مدني وصرت بمحافظات راح ترتاح وتكيف

ومباحث دورته 3 او 4 شهور بعد سنه تاخذ دوره فني

اما دفاع مدني دورته حول 10 او 11 شهر

خررريج تقنيه · #7 (**permalink**) 26-04-2014, 09:05 PM

وانا لو مكانكـ
رحت دفاع مدني

طلالي الحربي · #8 (**permalink**) 26-04-2014, 11:25 PM

لا تسال الا شخص موظف باحد القطاعين ، اغلب الردود بتكون على رغبته او حبه للقطاع يقيمه لك

في امور بالعسكرية اهم من الراتب والمكانه

ابحث عن الراحة النفسية، على ان القطاعات العسكرية جميعها ضغط معنوي

لكن استخير الله واختر الانسب لك والي تشوف نفسك فيها

والدفاع المدني هو افضل قطاع بالداخلية من نواحي كثيرة اهمها وبعيد عن الراتب

الراحة النفسية - التطور في القطاع ومواكبة الجديد - التطوير والاهتمام برجل الامن - المثالية في الادارات

والاخيرة هذه نادرة في العسكرية بسبب الروتين والقرارات السريعة المزاجية !!