[align=center]السلام عليكم معشر المستشارين



أنا توني متخرجة الترم اللي راح تخصص تربية خاصة
ومتوظفة الحين بمركز أهلي طبعا بس منيب مرتاحة أبد أبد
وكرف دوامين صبح ومساء وليته على شيء يسوى راتبهم مخييس مايكمل 4000 مع الموارد بعد
وجربت قبله ثلاث مراكز غير المراكز اللي نزلت لها أيام الجامعة
هذا الأرحم بينهم :/

حامت كبدي كنت أقول أبي خبرة ومدري وش بس ماظنتي أتحمل أكثر من كذا
كل نظام التربية الخاصة عندنا متعب جدا جدا ومن سيء لأسوأ
يعني كل دراستي ومثالياتها بجهة وميدان العمل بجهة ثانية
استغلال وكذب على الأهل وتجميع أطفال بالفصول
بدون ذمة وضمير كله عشان الفلووس
وحنا اللي نشقى من غير أي مقابل مُرضي

هذا غير التحيز الواضح من الادارة بين الاقسام بالمركز
تعبت ماتسوى علي والله
وصلت لهالقناعة وتشبعت فيها

الاسبوع الجاي اكمل فترة التدريب اللي هي ثلاث شهور
وبما اني ارتبطت مع الاطفال واهلهم عرفوني صعب اسحب هذا اللي مصبرني بس
بقدم استقالتي الاسبوع الجاي عشان اداوم الشهر الجاي انذار واخذ خبرتي واطلع
مع انهم يقولون بيكون دوام واحد وفترة طويلة الترم الجاي والبنات يقولون اجلسي خبرة 4 شهور ماتسوي شيء كملي سنة بس ماش

.
.

كل هالفضفضة عشان أقول أبي أغير مجالي كله
ماأبي أتعامل مع أطفال خلقة أبي شغل مكتبي << على كيفي ههه
لا صدق فكرت أكمل ماجستير إدارة تربوية يعني قريب من مجالي لكن إداري هذا اللي أبي
رحت للجامعة وسألت وقابلت كم وحدة مكملين بهالقسم بس مااستفادوا لا ولهم سنتين وثلاث اخذين الماجستير
دريت إنه يفيد المعلمات والمديرات اللي متعينين أساسا
وانا توني ببداية المشوار يعني مااتوقع يفيدني

ودي أتوظف ببنك أمنيتي
صح دوام طويل بس شيء راغبة فيه عادي
أو بالجامعة وظيفة إدارية بس هذي لازززم واسطة

وش أسوي فكرت أكمل إدارة أعمال بس لازم أدرس مواد تكميلية
أو آخذ دورات حاسب وش أفضل الدورات اللي ممكن تفيدني
أبي شيء أقدم فيه وأعتمد عليه بعيد عن تخصصي
أو أدرس تخصص ثاني من جديد
شوركم الله ينور دروبكم ؟[/align]

انتي من يحدد قرارك
استخيري وربي ييسر أمرك

كان الله في عونك