سوي عقود لتوصيل الصباحي , وتلاقينها تقريبا في محلات الدعايه والأعلان
وحطي بعض الأشتراطات
بالنسبه للأشتراطات / هي اشتراطات خفيفه بحيث توضحين الي لك والي عليك . اي شي يثبت حقك ولا يكون فيه مجال ان احد يعترض او يتذمر . مثلاً
1 ) يكون العقد شهري بغض النظر عن ايام غياب الطالب
2 ) التوصيل ما يشمل اولياء الأمور للمدارس
3 ) العقد يكون على موقع المدرسه . بحيث لو نقل احد لمدرسه ثانيه ما تتورطين . او تزيدين عليه اذا صار بعيد زياده خفيفه .
4) الرجوع للبيت في غير الوقت المحدد يأخذ عليه مبلغ رمزي تكلفه التوصيل .
... إلخ
بالنسبه لمنطقة المشروع /
المنطقه الشرقيه ممتازه (( يعني منطقه واسعه وخصبه للمشاوير الخاصه ))
بالنسبه لسائق /
اهم شي يعرف يسوق الباص او السياره الي بتأخذينها .
واذا تعرفينهم وهم طيبين وملتزمين توكلي على الله واتفقي معه , وانتي على قولتك نظام امريكي يخدم الجميع ويضع النقاط على الحروف وبدون اي مجاملات
اتفقي معهم على راتب معين قوليلهم 600 او 700 وعمولة توصيل
(( بعدين تقدرين تتفقين معهم زيادة على العموله اذا دخلتو ربح أكثر من 2000 ريال من المشاوير الخاصه تعطينه مبلغ مثلأ 100ريال زود على النسبه واذا دخلتو 3000 ريال تعطينه 170 ريال ... إلخ ))
طبعاً هذا الكلام من باب التشجيع له اذا أشتغل بأمانه واذا زادت الأرباح تزيد نسبته
بالنسبه لراتب /
الفتره الصباحيه يوصل براتب لانه العمل رسمي وزي ما قلتلك هذا هو نشاط مشروعك الرائيسي
اما الفتره المسائيه تكون بنسبه 20 % أو 30% واذا تجاوز الدخل حد معين تعطينه مكافئه مثل ما وضحتلك بالفقره الي قبل ذي .
بالنسبه لسياره /
ما اقدر افيدك كثير , لكن الباص ممكن ما يطلب في المشاوير الخاصه كثير وخاصة انه بيكون كبير شوي . (( ولكن ما عليه الرزق بيد الله ))
وش رايك بالفان رغم ان ركابها قليل . لكن تقدرون توصلون الطلاب على دفعتين اذا مدارسهم قريبه .
انتي تأكدي أكثر من السياره
بالنسبه للأدخار /
الطريقه المتبعه هي 10 % من الصافي . مع ان البعض يزيد النسبه
يعني اذا الدخل 3000 ريال تدخرين 300 ريال كل شهر وتعزلينها على جنب ولا تحركينها مهما كانت الظروف .
طريقة التنظيم /
جيبي دفتر واكتبي عليه الحسابات العامه . وقسمي الصفحه لنصفين
النصف الأيمن اكتبي عليه الأيراد وسجلي فيه كل فلوس تدخل عليك من المشروع
والنصف الأيسر اكتبي عليه المصروف وسجلي فيه اي مبالغ تصرفينها على المشروع حتى قيمه غسيل السياره . وكل شهر سوي نفس الطريقه
وبكذا راح تطمئنين على الامور الماليه الخاصه بالمشروع .
وراح تتابعين مشروعك على مدار العام وراح تلاحظين اذا فيه فروق في الأرباح بين الشهور
( و هالكلام يقدر يطبقه اي واحد على مصروف البيت )
وفي نفس الوقت ,,, تجيبيلك ثلاث ظروف وتكتبين على الأول الزيت والكفرات وغسيل السياره ( مصروف السياره الشهري )
وتحطين فيه مبلغ الأستهلاك الشهري
والظرف الثاني تكتبين عليه الأدخار وتحطين فيه مبلغ الأدخار
والظرف الثالث تكتبين عليه احتياطي عام (( وهذا تحطين فيه 100 او 200 او 300 على حسب ارباح كل شهر ))
وباقي الأرباح استخدميها كمصروف ... ولا تنسين تتصدقين بمبلغ لو 10 ريال كل شهر من ارباح المشروع عشان يتبارك المشروع ويتبارك الربح .
طبعا الظروف الثلاثه ما تستخدمينها ابدأ الا ظرف الزيت والكفرات كل 3 شهور او أقل تغيرين الزيت
وظرف الأحتياطي العام ما تأخذين منه الا اذا ما كان فيه مصروف لسياره
اما ظرف الأدخار فحاولي قدر المستطاع ما تقربينه الا في الظروف القاهره
وبهذي الطريقه يكون كل شي تمام حتى المصاريف الطارئه بتكوني مستعده لها .
وفي الأخير إلزمي الأستغفار وتوكلي على الله .
11-08-2008, 09:43 AM
العرض العادي
