استغفر الله
دعواتكم لي بالتوفيق والله يوفقكم جميعا
عليكم بالدعاء والصدقه

عيال انا اول مره اقدم ع الامن العام ، لاني خرج السنه الي فاتت ،،

الزبده اخوياي 4 توسط لهم واحد ب 15 الف ريال لنفر الواحد ،

يستلم خمسه الاف اول ماتطلع ارقام الفرز من الموقع ، ويستلم خمسه الاف اول ماتمشي امور المستشفي والقبول النهائي ، ويستلم خمسه الاف اول مايدخلون العيال الدوره ...

عاد انا كلمت واحد من العيال الي داخل ب 15 الف ، قلت له كلم الرجال طبعا كلنا قبيله وحده ، ومايتوسط الا للي يعرف ابوهم او يعرفهم معرفه شخصيه ، عاد كلمه خويي وقال له لا يتعب نفسه دام اول تقديم له هالسنه ماقدر اسوي له شي ، لان الدوره الجايه كلبوهم احتياط السنه الي فاتت يعني الي يسجل الحين بيكون احتياط لسنه الي بعدها ،

مادري هل هو صادق بكلامه ولا يصرفني مايبي يتورط معاي ، لانه مايعرفني بس مجرد يعرف خويي يقرب له من جماعته ، بس الي يختلف فينا الفخذ ..


حبيت انقل لكم هالخبر وبسالكم هل هو صحيح ولا انشاء الله فيه قبول للي يسجلون بهالفتره ويكون اول تسجيل لهم ؟؟


ومتي تتوقعون نتايج القبول المبدئي ؟؟


وبالنهاية ورب الكعبه اني مابي احطم الي سجلو جدد ، بس مجرد معلومه وحبيت اقولها لكم ، ويعلم الله اني ابي الخير للجميع وماهو بس لي وحدي .. ومن هذا المبدأ حبيت اقولكم الي ماينقبل ويكون احتياط لا يتحطم لان مايدري يمكن ينقبل السنه الي بعدها او يمكن ينقبل بنفس هالسنه هذي ..

وشكرا

وش ذنبنا نقعد احتياط ؟

لا ان شاء الله كلامه مو صحيح

يعني من كﻻمك احتياط هذيك السنه راح يكون قبولهم اكيد وﻻ ؟

الله يوفق الجميع

شباب طولي 175 يمشي ولالا

ي رجال خذ وخخخل زين اذا اخذو نسبة من الاحتياط
وبعدين 15 الاف ع جندي من جدهه ذا !!
ي خوي واسستطنا الله سبحانه وتعالى ومعلقين املنا كله بالله
مو فلوس وحجات حرام

ماعمرها عقدت في رمضان ابد بعد رمضان الدورة

الا أقول ي شباب الخبر الي يقول الطول صار 160 وفوق صدق ولا اشاعات ؟

انا طولي 168 بس سمعت بالخبر ومني مصدق معقوله مره وحده بيخلون الطول 160 ممكن اذا 165 تمشي اما تنزل مره وحده كذا احس مو صح اذا احد له علم يعطينا العلم الأكيد .