31-05-2014, 02:08 PM
|
عضو جديد
|
|
تاريخ التسجيل: May 2014
المشاركات: 6
معدل تقييم المستوى: 0
|
|
مهندس حاسب آلي
المعدل اعلى من 4.25
خريج قبل شهر ٣
خبره ٤ سنوات عمل
٦ شهادات دولية من شركة مايكروسوفت
شهادة ccna ( اختبار دولي )
قصتي
اروح للمقابله تكون المقابله باللغة الانجليزية
( الحمدلله لغتي ممتازه )
يقول ايش تعرف بالشبكات اقوله شهادة ccna و٣ مواد شبكات دارسها بالجامعه ومستعد لاي اختبار في الشبكات يقولي ممتاز يسألني كم سؤال واجاوبها صح كلها
يقولي ايش تعرف بالسيرفرات قلت له معاي شهادات كذا وكذا وكذا يقولي ممتاز يسألني شفوي اجاوبه تكون أسالته غبيه مثل :
كيف تثبت الاكتف دايركتري ؟
اقول له ١ ٢ ٣ بالتفصيل يقول ممتاز
يسالني لما تفتح واجهة القروب بوليسي كم ايقونه على اليسار !!
اقوله له كذا
يقول ممتاز ماشاء الله لكن حنا نحتاج واحد فاهم في VM WARE اقوله معاي شهادتين حضور دورات ومستعد لاي اختبار
يقولي لينكس وش وضعك فيها اقوله معاي شهادة حضور لدورك من رد هات
بالاخير يقول نتصل عليك
شهر ساحبين تطلع النتيجه ماقبلت
اروح اقدم على الحياة الفطرية ٥٠ متقدم على وظيفتين
اختبر اختبار القبول يطلع ترتيبي اعلى ثاني درجه
استبشر خير وانتظر الوظيفة ..
اكتشف انه تم ترشيح ١٠ اشخاص للمقابله
اسال مسؤول عن المقابلات هل الاعلى درجه يوظف قاللي لا
راح يوظف من تختاره لجنة القبول
ادخل المقابله ٦ اشخاص يسوون المقابله
الاول يسألني كم عدد المحميات في المملكة
الثاني يقولي اذكر ٤ منها
الثالث يقول يعطيك العافية اطلع وقول لفلان الفلاني يدخل ( مع العلم جاوبت السؤالين المعاقات حقاتهم )
اطلع اراجعهم بعدها باسبوع يقولون ايش اسمك اقول فلان الفلاني يقولون ارسلنا الاسماء للخدمة المدنية عشان التوظيف ولكن اسمك مو معهم
اكتشفت مايلي بعد تجربتي الشخصية :
١: شهادات دولية ودورات ماتنفع
٢: خبره ماتنفع
٣ : معدل بالجامعه ماينفع
اللي ينفع شئ واحد فقط واسطة
معك واسطة تتوظف ما معك تبلع العافية
علما انه امس الخميس زرت فرع الخدمة المدنية في منطقتي وافادني الموظف مايلي
( لن يكون هناك اي توظيف لخريجي تقنية المعلومات الا في المفاضلة القادمة وحسب جدول الاعلانات شهر ١٢ القادم )
وهذا تعميم من شخص مسؤول في الوزارة
ولما حاولت احاجه قاللي العذر هذا اللي المفترض اقوله لك انه ماطلعت الدرجات الا بعد الاعلان عن الوظائف والمرشحين وهذا الشئ غير منطقي لانه الخدمة المدنية هم اللي اختبروكم متاخرين ..
اكتشف ان الرجل مهندس حاسب خريج عام ١٤٣٠ ويشتغل سكرتير لعل الله يرزقه وظيفة بتخصصه ..
النصائح اللي اوجهها لزملائي العاطلين :
١ : تفعيل هاشتاق بتويتر وايصال صوتنا للمجتمع عن طريقه
٢ : بلا تجمعات بلا بطيخ عشان ما تنلحط بالسجن لان الشئ مخالف للأنظمة
٣: دور واحد ابوه واسطه وشبكه واذا جاء عيد الفطر قل له ماودك يعايدني ابوك بوظيفة لعله يقول ايه ويصير عيدك عيدين
علما انه نقاطي بعد الاختبار ٦٠ ولا اتوقع اتوظف بصراحه في جدارة القادم لعدة اسباب
جامعتنا راح تخرج ٤٠ مهندس حاسب هذا الترم وغير اللي راح يتخرجون بالصيفي
فما بالك على مستوى المملكة كم عدد المهندسين ولاتنسى ان المبتعثين راح يرجعون وكم واخد تخصصه هندسه حاسب
علما انه الوظائف المطروحه لتخصص هندسة الحاسب الالي في الخدعة المدنية السابقه هي ٣٧ وظيفة فقط ..
وحتى اللي يقولون شركات الشركة ايش تبغى فيك تعطيك ٩ الاف
تجيب لها هندي والا عربي ياخذ له ٤ الاف وشغل وخبره ولا يقول لا لو يبونه يسويلهم شاهي
الحمد لله رزقنا على الله ادعو ربكم وكثرو الاستغفار وما تضيق الا تهون
|
العرض العادي
