الله يرزقك ويرزقنا

ياخوي لا تندفع لكلام اي احد انت مو مقتنع منه او ماتكون حسبت له حساب انا ما اقصد اي احد من الاخوان كل الشباب مجتهدين ويبون يساعدون وان شاء الله فيهم الخير والبركه,, بالنسبه للغنم ممكن تكون مربحه اذا انت عندك زبائن جاهزين من الاقارب والاصحاب وغيره وحتى لو ماعندك ممكن تبيع بالسوق بس لا تتوقع انك بتشتري مثلن خمسين راس بالف ريال قيمة الراس وع طول بتوديهم السوق وبتبيعهم بالف وثلاثميه وانت واقف,, لازم تعرف ايش هي الغنم المطلوبه في منطقتك وكم سعر الخروف اللي عمره مثلن ثلاث شهور او اربع وبالمقابل الرخل والسمين من الهزيل من المريض بعد هذا شي والشي الثاني لو عندك مكان في البر مثلن يبي لك عامل ممتاز وكل يوم تجيه ويبي لك اعلاف وعلاجات بعض الاحيان احسب قيمتها ويبي لك ماء للغنم ويبي لك اجار عامل واحسب تاسيس المكان بكم ومصاريف روحتك وجيتك ونقل الغنم للسوق هذي كلها داخله في سعر الخروف الواحد اللي بتبيعه وتِؤخذ بالاعتبار ,, واشياء اخرى يمكن الواحد ماياخذها بالحسبان لان الشغله مو اشتر خروف بالف وبيعه ب1300 وخلاص. انا انصحك لا تستعجل وتتسرع واذا انت مصمم تشتري غنم وتجرب عشان تقتنع اشتر لك خمسه سته وجرب تبيعهم وشوف كيف وبعدها ممكن تكتسب خبره وتزيد شوي وبالتدريج لين تكون متمرس ومتمكن. انتبه انتبه انتبه تتسرع وتشتري بكامل المبلغ والله اني ابي لك الخير والتوفيق مابيك تخسر,, اي سؤال انا حاضر

يوجد لدينا مشاريع وأفكار كثيرة

تواصل معنا وأبشر بالخير ان شاء الله


وبالتوفيق يارب