السسسلام عليكم ,

اول مششاركه لي بالمنتدى وصراحه من اشد المعجبين ب هالمنتدى شاكر ومقدر القائمين على هالمنتدى واسال الله العلي العظيم ان يكتب في موازين حسناتهم ,


ي جمماعه الخير انا حديث التخرج تخرجت الترم الاول تخصصي فيزياء بعد ما فقدت الامل بالتدريس ورسوبي ب اختبار المعلمين ما فيه قدامي الا العسكريه , حبيت اسسال عن تقديم المباحث العامه لحمله البكالريوس متى راح يكون التسجيل وهل صحيح المباحث العامه ما يقبلون الا جنود يعني الوظايف المطروحه من قبل المباحث بس لحمله شهاده الثانويه العامه . !!!!!!!!!!


ومشششششكورين سلفاً ...

ينقل للقسم المخصص

__________________
ومن يعمل من الصالحات وهو مؤمن فلا يخاف ظلما ولا هضما

لحق على الامن العام بينتهي التقديم الليلة بيعطونك رقيب

المباحث فتح بشهر 10 اللي فات وانتهى

الحق على الامن العام وفي تسجيل في المخدرات تبداء بكرة الله يوفقك

الامن العام رواتبها ظلم للجامعين يعني الرقيب بالامن العام تقريبا ياخذ ٨ الاف والرقيب بالمباحث ياخذ فوق ال ١٦ الاف فرق ٨ الاف .

انا سوالي كان اوضح م تعبت بالدراسه عشان ادخل الامن العام والله مو شوفه نفس ولا تكبر بس اشوف الامن العام ظلم لنا خريجين البكالريوس لكن بالبماحث تاخذ حقك بس اللي سمعته المباحث اغلب دوراتها لحمله الشهاده الثانويه العامه وهذا كان سوالي ياليت تفيدوني .

المباحث من خلال خبرتكم انا والله جديد ع الوظايف اول مره اقدم ف من خبرتكم التسجيلات السابقه للمباحث هل فيه دورات للجامعين !!!!!!!

اخوي لاتختلط عليك الامور وتقارن رقيب توه متعين برقيب على وجه تقاعد
اول ماتتعين بيحطونك على اول مربوط من الرتبة وكل سنة يزيد راتبك 250 للرقيب
اللي على وجه التقاعد هذا تلقاه واصل على المربوط الاخير في سلم راتب الرقيب عشان كذا راتبه عالي

الملازم وهو الملازم حديث التعيين مايوصل راتبه 13 في المباحث

لازم وانا اخوك تقرأ شوي في طريقة حساب الراتب وهو اول شي الراتب الاساسي وهو ثابت في جميع القطاعات
ويزيد كل سنة العلاوة السنوية وتختلف مة رتبة لأخري + البدلات واللي تختلف من قطاع لقطاع .فيه قطاعات تستلم بدلات اكثر وهكذا

ولعلمك راتب رقيب في الامن العام تقريبا 8800 اذا في الدوريات ويزيد في امن الطرق 800 زيادة

ونصيحة لايفوتك التقديم

لاتحتري المباحث
اغلب تقديمات المباحث جندي
حرام تقدم على جندي بشهادة جامعه
قدم في الحرس الوطني
ان شاء الله يطون الراتب زين

تقديرك جيد وفوق ؟
قدم ع الكلية الحربيه او الامنيه او الحرس بشكل عام لايفوتك تقديم الكليات العسكرية
الحق ع النجمه : ) شهر 8 يفك التقديم

لو تقديرك مقبول انتظر الاستخبارات بعد العيد بيفك او شهر 12 ان شاء الله
رقيب ب الاستخبارات تصك فوق 15 الف ^ـ^
وبخصوص الي يقول المباحث الرقيب 16 الف
غلطان حوالي 13 الف راتبه ،وعموما المباحث بعد سنه راح يفتح لانه كل سنتين يفك،
+ الامن العام حلوه بالعكس رقيب ب الامن العام ،تصلك حوالي 10 ويمكن اكثر حسب التخصص من قال 8 ؟
وش خليت للجندي ؟ وش خليت للعريف ووكيل الرقيب ؟؟

عموما شف الكليات العسكرية الله يوفقك

مششششششششكورين ع التفاعل ،،،


توكلت على الله وب اقدم ع الحرس الوطني ، لانو الامنيه صعبه وغامضين

لا يفتح - تقديم رقيب ووكيل رقيب في المباحث

من سنتين فتح تقديم في المباحث للجامعين

وهاذي السنة مافتح الا جندي وانا قدمت ومتظر ان شاء الله الدوره شهر 10