شباب انا ابغى اقدم على قرض الزواج في طلب في المستندات المطلوبه للقرض يقول :: تقديم تفويض للبنك للإستعلام عن بيانات المواطنين من موقع الأحوال المدنية الإلكتروني, << هل اجيب لهم شي من الاحوال المدنية قبل اروح ولا وش المقصود ؟؟ والشي الثاني اصل مصادقة اش المقصود فيه وهذا نصه :تقديم أصل مصادقة من البنك على رقم الحساب البنكي متضمنا رقم الايبان واسم صاحب الحساب ومختوما بختم البنك. << هل المقصود البطاقة حقت البنك الي فيها معلومات الحساب ولا شي ثاني لازم اجيبه من البنك ؟؟ الي عنده خبره عن الاوراق الي اوديها لهم يقولي والله يوفق كل من يجاوبني

انا بجاوبك على السؤال الأول مع اني ماقد قدمت عليهم لكن السؤال واضح
بشرحلك اياه قبل , الي يقصدونه انك تدخل على موقع الداخلية وتسوي لهم سماح بأنهم يطالعوا بياناتك في الاحوال المدنية , يعني مثل ماتقول تصريح لهم
هذا لادخلت على موقع الداخلية وادخلت رقمك السري واسم المستخدم بيجيك على اليمين قائمة من ضمنها الأحوال المدنية تفتح عليها تلقى مكتوب خدمة بياناتي تدخل عليها تختار بنك التسليف والادخار وتضغط على كلمة سماح وانتهى الموضوع

اما للسؤال الثاني هذا مو متأكد منه لكن الواضح منه ان المطلوب منك ورقة مطبوعة من البنك مكتوب فيها اسمك ورقم حسابك الآيبان ومختومة من البنك

موفق

راح اجاوبك
تفويض للبنك للإستعلام عن بيانات المواطنين من موقع الأحوال المدنية الإلكتروني
هذا تطبعه بعد ماتفوض البنك عن طريق نظام ابشر وترفقه مع المستندات اللي بترسلها للبنك عن طريق البريد الممتاز بالبريد السعودي
اما استفسارك الثاني
تروح البنك اللي حاب يحولون لك القرض عليه
تطلب من الموظف يطبع لك رقمك (حساب الايبان) مذكور فيه اسمك ومختوم بختم البنك
وترفقه مع الاوراق

والله يوفقك

رقم الحساب ورقم الايمان ومختم بختم البنك/ وكشف حساب حق ثلاث شهور وبتوفيق لك اخوي