شيبت ونا لحد الحين متوظفت كل الوظائف واسطااات وكل يوم اقول ابصبر ويزيد الطين بﻵ واذ كملت الدراسه بعد يتفاقم الامر زياده وش الحل القطاع الخاص رواتبهم ماتعبي بنزين ولا تشري سياره ولا تزوجك ولا تتغير زيت ولا تاثث بيت ولا تجيب شي بالعكس يمكن تجيك نفسيه من الديون والفقر وين اروح ماقول
غير حسبي الله ونعم الوكيل لاوبعد نظرت الناس لك المشكله مهو في الله يعين

عيشه قشرا غرقت في بحور الفقر والوسطاات ابي اعيش ابي اتزوج ابي اكون نفسي ....... 3000 ريال ماتنفع ابد في ظل هذه الظروف وغلاء المعيشه ههههههههههههخخخخخخههههههه حتى سياره ماعندي ههههه عمري حول 27 عزالله غاسل يدي من زمان من الوظائف اصلان فلوس ماعندي ههههههه

خلها على ربك وماخاب من رجاءه ،، والله يرزقك من واسع فضله

ادخل ع الرابط الي حاطه انا بالتوقيع

ركعتين ب الثلث الاخير من الليل،وارفع يدك وادع الله سبحانه وتعالى،واسجد وقل كل الي عندك ب السجود ولا ترفع الا بعد م تدعي بكل الي عندك

واعمل ب الاسباب،ابحث اتعب اسعى ،خش مواقع استفسر واسئل .. وراقب مواقع الوظائف خصوصا وظيفه كوم ، بشكل يومي

وباذن الله تنفرج،اعرف واحد عمره 29 توه انقبل ب البحريه بعدما بقي سنه فقط عليه ويروح عمره ولا ينقبل ب العسكرية : )،رزقك عند ربك ولا يخلي احد،فقط انت لازم تؤومن ان الله بيده كل شي ولازم تصبر ،ماضاقت الا انفجرت : ))

بالتوفيق

صلاة الوتر والاستغفار
وان شاء الله ترجع مره ثانيه تكتب لنا انك توظفة وراتبك 7000
وي ربي الجميع

انت مواليد كم ؟

خلها على ربك وانا اخوك
انا ودي اعرف مين الي ينزل شروط وقرارات للوظايف
اخرتها المخدرات مدري السجون طالبين نسبه الثانوية اقل شي 82
انا لو نسبتي 82 ما كان جيتكم كان رحت شركات كبرى اطور نفسي ولا كملت دراستي بالجامعه
ماهو معقد الوظايف العسكرية الا الطول
قسم بالله اعرف واحد طول مشاء الله فوق 180 دخل الامن العام وشرد من الدوره ودخل الحرس الملكي وشرد من الدورة طبعا كل الوظايف تجيه واسطات والحين عاطل
انا وش ابغى بواحد طويل وانا بالاخير ماني مستفيد منه
الطول طول نخله والعقل عقل ؟؟؟؟؟؟
لاكن ما اقول الا حسبي الله على كل من يعقد الوظايف
ااقسم بالله انا مطرود من حرس الحدود ومن امن المنشات والسبب نص سانتي وسانتي
ياعالم نص سانتي وش بتسوي وش بتزيد فيني
لاكن اصحاب الواسطات لو طوله 150 دخل القطاع الي يبغاه
لاكن الله لا يوفق كل من ينزل قرارات بتعقيد الوظايف عسى ما يذوق طعم الراحه لا بنومه ولا اكله ولا شربه

والله اني اقول ذا الكلام واني مقهور ثلاث سنين راحت من عمري وانا اقدم على الوظايف وماغير طرد في طرد

لاكن نقول الحمد لله على كل حال

{ لا ألة الأنت سبحانك أن كنت من الضالمين }

دعوة أخبر بهـاالنبي صلى علية وسلم مامن عبد دعاء بها الا وفرج الله عنه

الله يوفقك ويرزقك من واسع فضلة وماتدري لعلها خيرة لك ...

يا أخوان كل شي أرزاق

حافظ على صلاتك وبرك بوالديك والصدقة وصلاة أخر الليل

ولاتجلسون تنتظرون الوظايف

جربوا التجارة فيها خير كثير يغنيكم عن راتب الوظيفة

- عبدالرحمن بن عوف - رضي الله عنه
قال دلوني على السوق

-

الله يوفقك ويفتحها بوجهك