[align=center]السلام عليكم ورحمه الله وبركاته

السنه الي فاتت طرحت مشكله لي بهالقسم وهي مجرد فضفضه عن وضعي الحالي انا وولدي الي عمره الحين 3 سنوات

هذا الرابط
https://www.btalah.com/t518599.html

الي استجد من السنه اللي فاتت للحين هو طبعا ولا شيء

الحال مثل ماهو ولدي ما طلعت اثباتاته ولا زوجي فكر يرجعني او يطلقني ولا يرسل ريال واحد ،، وانا اكد بعمل طلبيات اكل بجهدي الشخصي فتاتها لايسمن ولا يغني من جوع ،، حيث اني احارب هذه الدنيا من اجل اعاله ابني وربي هو عالم بالحاال

واهله متكالبين عليا كل ما اتصلت فيهم ليحاولو يتوسطون او يبسطون الوضع لي او يتساعدون معايا يدافعون عنه ويضغطون عليا بأنه ما اشتكي عليه بالمحكمه ،، فقط اتصبر وادعي الله وانتظر هدايه ابنهم الي هو امر مستبعد الا برحمه من الله

الاتطور بسيط حصل وهو اني كنت رايحه للاماره اعرض وضعي ولكن وحده نصحتني احاول احل وضع اوراق ولدي بدون مشاكل وفعلا اتصلت على والد زوجي ورحب بالموضوع وفهمني انه يقدر يطلع شهاده ميلاد ابني بدون مشاكل ولا محاكم وفعلا ارسلت له تبليغ الولاده واقامتي وجواز سفري وكرت التطعيم

بعد هالشيء مر شهرين خلالهم لم يجب على اتصالاتي ابدا ،، الا مره وحده طلب مني تبليغ الولاده لأنه يقول اني ما ارسلته رغم اني 100000 % ارسلته وقال لي انه مو عارف يطلع بداله فقلت له اني مطلعه نسخه عن كل شيء ارسلته له وطلبت منه اني ارسل له من عندي صوره لتبليغ الولاده متعاونه معاه ع اساس قال لي شهاده ميلاد ولدك باقي لها ختم من الجوازات وتطلع

المهم بعدها اتصلت عليه 3 مرات خلال اسبوعين ولا رد علي ولا مره ،، وحماي الي هو جد ولدي له سابقه معنا بالاحتيال لما كان كفيل اخوي ابتزه مراااات كثيره مقابل يسلمه اوراقه او يتنازل عن كفالته وانا خايفه يكون طلع شهاده ميلاد ولدي بس مخبيها عنده ليبتزني مثل ما ابتز اخويه قبلي !!!

الى اليوم مايرد علي مع انه فهمني ان مابقي شيء وتطلع شهاده الميلاد ،، حتى اخت زوجي اتصلت سألتها عن الوضع وقالت نفس الكلام انه لازم انتظر ،، والكل يعرف شهاده الميلاد ماتاخذ اي وقت لأستخراجها

صبري معاهم نفذ تماما ،، ايش تنصحوني من جهة رفع القضايا عليهم ،، ايش لازم اتصرف بالتفصيل ،، الله يفرج هم كل من وقف معي لو بدعوة او كلمه ويسهل عليه كل صعب اامييييين [/align]

انا اشوف لك تشوفين الموضوع ودي لن المشاكل بين الزوجين تودي الي ضياع الأطفال بس اذا مقفلة الأبواب تشوفين المحكمة وتقدمين أوراقك ع المحكمة وتشوفين الشيخ وتعرضين مشكلتك وتشوفين الحلول لن الأوراق تسوي لك مشاكل بالمستقبل القريب بالنسبه لعيالك وانا اقول الصلح خير

في ناس شهود عليه انه ماسوى الاوراق ويراهنو انه اخذهم عشان يلوي ذراعي او انه يطلعهم بس يخليهم معاه ومثل ماسبق وذكرت انه ابتز اخواني سابقا لمواضيع اقاماتهم ونقل كفالاتهم

يأختي الكريمة موضوعك لازم ينحل عن طريق المحكمة لكي لأيتعقد موضوعك بالمستقبل اذا كان كذا الشهود عندك وع شان تثبتين انه مافي نفقه والزمه النفقه ع طفله بالفتره الجايه لن تقدرين تشوفين لك مداخيل ماليه عن طريق. الجمعيات او تبحثين عن عمل يسترك ولا تدخلين متاهات التفكير اشوف المحكمه احسن حل الله انه يسر أمر اللهم يأمسهل الشديد سهل أمرك يارب

اشتكي بالمحكمة وش تنتظرين ؟؟؟؟ الرجال ماتقواهم حرمة مايدق خشومهم الا المحاكم والشرط صدقيني خلك قوية بأخذ حقك وحق ولدك صحيح درب المحاكم طوووووويل وبهذلة شوي بس خليك قدها وإلحقي حقك وخوذيه لو هو ورى عينه طلعيها وخوذي حقك

ولك ولولدك حق شرعي سواء كنتي مقيمة او مواطنة وبتاخذينه

ارفعي قضية نفقة وقضية لاوراق ولدك واذا تبين ارقام محامين تستشيرينهم واتساب ارسلي لي رسالة خاصة .. وبالتوفيق

الله المستعان

شوفي في تويتر محامين استشيريهم ويعلمونك

والله يوفقك ان شاء الله

هناك جهات تقوم برفع الضرر عن المظلوم
وهناك خط ساخن مباشر لتقديم بلاغ ويتعامل معه بسرية تامه وهو 1919
وهناك فريق اجتماعي متكامل يقوم بحل العقبات والمساعده في حل المشاكل الاسريه و تدخل مباشر من قبل الجهات الشرعيه

من قال لك أن المحكمة تبا تحل لك الأمور والله ماعندهم إلا المواعيد بالشهور
لنا كم معاملة أقسم بالله سنين نراجع فيها وكل مره يتغير الشيخ
نصيحة لوجه الله تعالى حافظي على بيتك وولدك رغم كل شيء والعناد في هالأمور ماينفعك ولاينفع اي وحدة
حاولي تجيب الأمور بالسياسه وتحلينها بالسلم والتنازل والتغاضي عن أشياء واجد
وتأكدي أن كل بيت مليان مشاكل ومافيه أحد مرتاح العناد والشكاوي والله ماتزيد الأمور إلا تعقيد
حاولي بكل الطرق اي طريقة حاولي تجيبيها ولاتشربكين الأمور مع الجد والخال والأهل والأخت

كرري الإتصال عليه عشان خاطر الولد وحاولي قد ماتقدرين أصبري عليه كم شهر عسى الله يسخره لك
ويهديه اما الشكاوي والله ماأنصحك فيها وشيء كبير بالحيل ماأحد يقدره الله يفرج همك ويفرحك باللي يسرك

الله ينصرك وياخذ لك حقكك وحق ولدك
ويهدي لك زوجك وتتيسر أمورك