السلام عليكم الفزعة يا اخوان انا اليوم سويت مقابلة شخصية في مصرف الراجحي
وبعد المقابلة بساعتين كانت اساعة 4:30 اتصلو علي اكثر من 5 اتصالات ولا رديت عليهم
لاني كنت نايم وقتها بفترة العصر بعد جهد و تعب ، فهل راح يصرفو النظر عني عشاني مارديت
على اكثر من اتصال وما رديت ، انا خايف انهم يصرفون النظر عني بسبب عدم ردي على المكالمات
ما اقول الا يا حسافة بس ياليتني مانمت ولا ارتحت وقتها لكن قدر الله وما شاء فعل ،
افيدوني يا اهل الخبرة والله انه قلبي اتقطع يوم شفت المكالمات اللي جاتني منهم حاس انهم
اخذو فكرة سلبية عني وبيصرفون عني الوظيفة اللي كانت حلم من احلامي
والله اني العن الساعة اللي نمت فيها !!!

-


استغفر ربك اولاً
لا تكبر الموضوع وهي صغيره ،، عاود الاتصال عليهم
واذا ماكان فيه تجاوب او رد .. رح لهم بكره وقول لهم جاني اتصال منكم وانا كان عندي ظرف طارئ

اتصل او رح لهم

لا ابشركم اتصلو علي اليوم وطلبو مني فتح حساب بالراجحي وكشف طبي وكفيل غارم وشهادة خلو
من السوابق من الادلة الجنائية بعد ما اخذو قياسات الطول و الوزن ، والله ما اكذب عليكم بكل شي قلته كاني
مقدم على وظيفة عسكرية بالضبط ، وانا متخوف من الكشف الطبي ، لاني مريض بالسكر وعندي انحراف بالعمود الفقري 44 درجة ، وصراحة متخوف انهم يستبعدوني لهذي الاسباب ، ابي رأيكم بالموضوع تكفون الله يوفقكم

توكل على ربك
والله يوفقك ويسخر لك عباده

الف مبروك مقدما

الله يوفقك

الله يوفقك يارب ..
الف مبروك مقدما ..
اهم شيئ توصى باخوانك اللي توهم داخلين التجارة ..
دائما بنك الراجحي سمعته للاسف سيئة في هذا الجانب ..