[ALIGN=CENTER][TABLE1="width:95%;background-colorlack;border:4px ridge white;"][CELL="filter:;"][ALIGN=center]

الله يوفقكك يارب ...

وبأذن الله تحصل على ماتريد ..

ويجزاك ربي الجنه ..



موفق خير ياخوي ..~





.


.


.



[/ALIGN][/CELL][/TABLE1][/ALIGN]

اللهم امين
جزاك الله خير

الله يوفقك ويرزقك من واسع فضله وان شاءالله تحصل ماتمنا وأفضل يسر الله امرك وطلباتك بسيطه سواء راتب او وظيفهمتوفره بكثره ياخوي كلم شركة سمارت لنك عندهم وظائف بشركة ناس وغيره كلموني كول سنتر يبوني ب٤الاف ورفضت عشان المواصلات مومتوفره لي هالفتره المهم شوف عندك نطاقات كمان شكثر الوظايف الي عندهم ولاتخل شركة الا ترسل لهم الcv حقك واكثر من الاستغفار بنية الاه يرزقك وان شاءالله تبشرنا بتوظفك قريب اتمنا لك التوفيق

قدمت على طاقات

تجيني عروض كلها تحت 3500 ريال ،

يعني 3400 3300 داوم كامل ، كول سنتر وكرف يعني

لاراتب زي الناس وفوق كذا وظايف متعبه وبراتب قليل مرررره و9 ساعات

لقيت 4000 الاف لكن دوام كرف كرف كرف 9 ساعات يوم واحد اجازه


ياساتر ، بس هذا اللي اقدر اقوله


حسبي الله ونعم الوكيل ، درست كل هالسنين وتعبت وكرفت ماقدرت احصل وظيفة مرموقه وزينه


لازم يمصون دمنا مص لما نروح فيها ونتوهق


عمري يمشي وانا جالس اتفرج ، واللهي غبنه اقسم بالله

[ALIGN=CENTER][TABLE1="width:95%;background-colorlack;"][CELL="filter:;"][ALIGN=center]
.
.
.

اخويْ, نصيحة من أخت ل اخوهآ =)
حنآ مآدخلنآ هذا القسم وكتبنا الموضوع الا فعلا محتاجين وظيفه
مهما كان مؤهلنا مهما كان تعبنا طول السنينْ..!
طبيعة الانسان محبْ للعمل مافيه انسانْ يتمنى يجلس بلا هدف وعمل!
,
,
انت ماقصرتْ تعبت وشقيت عشان توصل للنتيجه المتوقعه ..
يعني درست وجبت تقدير عشان تلاقي الشغل اللي يكفيك مصاريف حياتك.
.
.
بس لاتنسى ان حياتك ماتتوقف على ( الوظيفه )
يعني انت مالقيت وظيفه الان , وش بيفيدك التندم والتشكيْ والتحسب على الاسباب ..!؟
( ابحث عن النتيجة لا عن السبب )
يعني انت في مشكله دور حل المشكله لاتزعل وتفكر بسبب اللي هم الاخرين !
حل المشكلة هي ( ان لاتبقى في الفرآغ اللي انت عايشه الان مده طويله )
انا ادري ان العطاله تسبب لك كئابه تحسس الشخص ان ماله قيمه
هو والجدار واحد .. بلا هدف بلا معنى !
,
طيب وش ممكن انا اسوي عشان يكون مني فايده ؟
عشان استفيد من فراغي لازم اشارك واتعلم ..
والعلم بحره واسع ..
تقدر تسبح في كل مجال قدر ماتشاء ..
(( فكره بسيطه ))
بما ان معدلك جيد اشكر الله الحمد لله يارب غيرك مقبول ..
انت جيد يعني انت ( قادر ) انك تواصل تعليم عاليْ ..
يعني تقدر بدل ماتكون جامعي تكون دارس ( دبلوم عالي )
فيه اقسام عديده مثل التوجيه والقياس تعينك موجه معلمينْ ..
فيه دبلوم تربوي يؤهلك معلمْ اذا كنت جامعي ..
فيه دبلوم ارشاد وتوجيه نفسي يعينك اخصائي نفسي او مرشد طلابي .
فيه دبلوم ودبلوم ودبلوم بكذا تخصص بالسعوديه الحمد لله
والجميل ان الملك حفظة الله وطول الله بعمره جعله منحه دراسيه لكل من رغب ب اكمال تعليمه يعني كل هالدبلومات هي بالاصل بفلوس مو بلاش
الترم الواحد 10 الاف ريال ..
كل دبلوم مدته سنه وحده فقط يعني فصلين كل فصل مايزيد عن 6 مواد
وابسط بكثير من دراسه البكالوريوس تجيب الامتياز بالراحه .
ومدة الدراسه فيه 3 ايام بالاسبوع والاجمل انها مسائيه ..
عندي زميلاتي موظفات بالصباح وبالمساء معنا بالدبلوم !

يعني حتى لو توظفت لاتوقف فكره انك اكتفيت من التعليم !
لا التعليم مستمر ..
والاجمل ان يكون الانسان معلم للغير ومتلقي ايضا للعلمْ باستمرار ..
وتقدر بعد تلتحق بالجامعات بالماجستير فيه قبول للجيد ..
في بعض الاقسام ولا يبون انجليزي يبون قدرات جامعيين 70 %
وجامعه الملك سعود تتغاظى اصلا عن القدرات وحتى القصيم ..
,
نصيحتي هي ماتجلس فاضي وتندب حظك ..
كمل دراسه دامها مجانيه منت خسران شي ..
احمد ربك بالسعوديه الدراسه مجانيه ..
عند غيرنا يدفعون عشان يدرسون !
وحنا بعضنا ندرس عشان يندفع لنا!!
.
طيب مالك خلق للدراسه مافي بالك انك تعيد الهمْ والاختبارات والقلق ..
سو مشروع رح تخسر اول مره بس ثاني مره رح تنجح اكيد ..!
ماعندك راس مال عندك شركات مساندة مثل عبداللطيف جميل مثل ريادة الاعمال .. يسلفونك من 50 الف الى 350 الف ويدرسون لك مشروعك ويدربونك ويعطونك حق العاملين ويساعدونك في دراسه الجدوى ثم يخلونك تنطلق في عالم التجاره يعني يأهلونك من قلب .. ودفع حقهم من الربح .

.
.
.








.











.









[/ALIGN][/CELL][/TABLE1][/ALIGN]