جزاك الله خير

__________________
ومن يعمل من الصالحات وهو مؤمن فلا يخاف ظلما ولا هضما

أتصلت على صاحب الرقم وبعلمكم وش صار معي !

الساعة 10 أتصلت على الرجال قلت : السلام عليكم أخوي لكم أعلان عن وظيفة حارس أمن قبل م اكمل
قاطعني الرجال قالي : هذا وقت تتصل فية مفترض تتصل وقت الدوام الرسمي أنت تشوف الوقت مناسب ؟
قلت : اية الوقت مناسب وأغلبنا ننام متأخر والوقت بدري ولا أظن فية أي مشكلة
قالي : حنا حاطين الرقم ونعامل مع رجال ومفترض ماتدق هالوقت !
قلت : طيب أنت حطيت الأعلان ولا حددت وقت الأتصال بوقت محدد
المهم الرجال جلس يتكلم وقلت لة حقك علينا واسفين على الأزعاج .


(( وعلى فكرة انا دخلت المنتدي وشفت الأعلان واتصلت على طول ))
مختصر الكلام

دام هذا اسلوب شخص يتعامل فية مع المتقدمين للوظايف بلا أسلوب
فمبالكم لو حصلت فرصة للعمل ؟

يقول المثل : اللي هذا اولة ينعاف تالية

انت لو تعرف الاحترام كان ما اتصلت الساعه ١٠ ونص بالليل تسأل عن وظيفه
ماهو شرط اكون نايم بس هذا وقتي الخاص وعندي التزامات غير العمل ،، ووقت العمل للعمل ،

لكن اشكالك اللي ماتفهم ولا تقدر ولاتحترم ماتعرف الشي هذا

وبصراحه امثالك مايشرفني حتى اوظفهم

اللي يتكلم مع رجال ويعرف السنع يعرف يحترم غيرة ويتئدب مع الناس
ويعامل الناس بحسن الخلق وبلين هذي أخلاق المسلم واللي أوصى بها رسولنا الكريم اللهم صل على محمد وعلى اله وصحبة أجمعين .

قال أوظفك يا بن الحلال لقيين والله اللي أحسن منك لكن اعرف المميزات وعلمها الشباب
وهذا الشباب أعرفو
لايكون مقارن مؤسستك بشركة سامسونج ؟

لو هي بقلة الأدب والتشريف والأحترام بانت
فالجميع راح يشاهدون الموضوع ويعرفون اللي لهم وعليهم

فسبحانك اللهم وبحمدك أشهد أن لا إلة الا أنت استغفرك وأتوب إليك

تعوذو من ابليس والعنو الشيطان
والله يهدينا وياكم

شفت انك ماتفهم !!!
ياخوي انا ماسبيتك ولا غلطت عليك عشان تذكرني بأخلاق المسلم

قلتلك الوقت هذا غير مناسب للأتصال .. والمفروض هذا الشيء بديهي وتفهمه من نفسك وذكرتك فيه
ماغلطت ولا تجاوزت اخلاق المسلم

لكن الله يشفيك ويعين من يوظفك

لايزال الطلب

انت غلطان اخوي وتديين له باعتذار

كان يفترض تتصل به في وقت مناسب

والعتب على صاحب الرقم يفترض يوضع رقم الشركه لكي لايلقى ازعاجات

كان بامكانك يا صاحب الاعلان

1- تكتب بموضوعك و تحدد وقت الاتصال

مثلاا من ساعه 9 ص الي 3 العصر

2- كان بامكانك تقول له اتصل الصبح او النهار وشكرا وتسكر


3- اما تقعد تقول ما يشرفني اوظفك والله يعين الي يوظفك

او الله يشفيك ويعين من يوظفك او تقول

انت لو تعرف الاحترام كان ما اتصلت الساعه ١٠ ونص بالليل تسأل عن وظيفه


اعيد واكرر

ما احد قالك تحط الرقم ولا تحدد الوقت

ماهو شرط اكون نايم بس هذا وقتي الخاص وعندي التزامات غير العمل ،، ووقت العمل للعمل ،

طيب ليه ما حددت وقت العمل بما انك تقول وقتي الخاص او حطيت رقم الشركه او رقم ثابت

في ناس تشتغل شفتات وهذا يعتبر وقت مناسب لها

وحبيت اوضح للجميع نقطه ارجو من الجميع الانتباه لها

الاحترام

يجب على الجميع الاحترام




الحين بقول لك شيء لو مثلا قلت له اتصل من الساعه 9 الصباح الي 3 العصر الان مشغول وسكرت

كان ما صار هالكلام بالمنتدى