تنظيم وتجهيز حفلات غير مكلف ومربح جدا

بالتوفيق

ابشري اختي ..ان شاء الله ابرسلك كل التفاصيل عالخاص و رح ابعطيكي المعلومات حتى انت تقدري تتواصلي مع الشركة مباشرة

الله يجزاك الجنة ويبشرك في الخير. وانا في انتظار التفاصيل.

اذا تبين رايي اسمعيني زين

انتم يامعشر الحريم تلبسون ثوب الحفلات مرة وحدة بس ... وسعره مشترى غالي

فلذلك اغلبكن تستأجر ثوب من حرمة ثانية واغلب الحريم اللي يأجرن الثياب يأجرن ببيوتهن او عن طريق الانستقرام ووسائل التواصل الاخرى

عاد انتي مادام عندك راس مال وعندك طموح ورغبة للعمل

إستأجري محل تكون مساحتة كبيرة شوي يعني شبة معرض .... وادفعي الايجار فقط ولا تحطين فيه اي ريال يخص البضاعة

بس ضبطي بداخله انارة حلوة واماكن لعرض الملابس وديكورات بسيطة جدا مع ان اغلب المحلات ماتحتاج ديكورات

طبعا المحل بيكون عرض ملابس للتأجير او بيع ملابس مستعملة لمرة واحدة وتكون واضح انها جديدة

التأجير مقابل نسبة معينة والبيع مقابل نسبة معية ايضا

واول ماتبدين فيه تواصلي مع تاجرات الانستقرام اللي بمنطقتك وعطيهن عروضك لترويج بضاعتهم

واتصلي على الحريم اللي يبيعون ببيوتهن اللي ماعرفوا الانستقرام للحين وعطيهن عروضك

وصدقيني راح يمتلي محلك بضاعة بدون ماتدفعين ريال واحد حق البضاعة

ويبقى لك خطوة اخيرة ومهمه جدا جدا راح اعلمك فيها اذا اعجبك المشروع لان هالخطوة ماراح تمشين بالمشرع بثبات تصاعدي الا فيها .... واذا ماعجبك المشروع خليني اوفر على نفسي شرح هالخطوة

يعني مشروع مايكلف غير قيمة ايجار المحل

بيوتفيل لاهنت ممكن تفيدني بمشروع الفساتين المستخدمه لاني باديه بذا المشروع الله يسعدك
والله يفتح الرزق بوجهك ووجه صاحبت الموضوع والجميع يارب

ابشري يامل الطموح ان شاء الله بعطيك تفاصيل اكثر لكن انا الحين اكتب عن طريق الجوال ..... خليني لما ارجع للبيت وابشري باللي يسرك