السلام عليكم ورحمة الله وبركاته.
صباح الخير.
اتمنى تشيرون علي ؛ عندي مبلغ من المال بحدود المية ألف.
ابي أسوي مشروع نسائي يعني أنا أديره بنفسي " فكرت بفكرة اني افتح صيدلية نسائية " لكن قالوا لي
انه لازم يكون على الأقل معاك دبلوم صيدلة ) وانا دراستي بعيدة كل البعد عن الصيدلة.
الحين شيروا علي بارك الله فيكم وش أسوي بشغل نفسي ولا ابي فلوسي تضيع بيد العمالة.

مركز مساج وحمامات بخارية وهيك شغلات
وبالتوفيق يارب

مشكورة اختي على المشاركة
فيه كثير مثل هالمشاريع وبعدين مالي خلق في سوالف مراكز التجميل.

اذا حابة تديريه انت بنفسك انصحك مباشرة بمحل فساتين عرس و سهرة ...دخله ماشاء الله ممتاز و ربحه مضمون تاجير او بيع و اذا عجبتك الفكره ابدلك على احسن مصنع بالصين بس هو مصنع اوروبي مب صيني بس موقع المصنع بالصين

ياليت والله تفيدني
في انتظار الرد. بارك الله فيك.

الله يوفقك ويبارك لك
اذا انت بتديرين المحل فاحسن شي لك وما تحتاجين عماله هو التصوير النسائي
والله ان الفكره هذي في بالي بس مالقيت احد يمسكه
انا اخذ اهلي لمحل تصوير نسائي وكل وحده ب 50 ريال يعني لو تصوري 10 اشخاص يومياً 500 ريال في الشهر 15000ريال
الله يوفقك

فكرة المحل النسائي للتصوير جددددا رائعةة
وتاخذين مصورات سعوديات يشتغلون معاك بالتصوير
ووممكن يكون فيه أركان غير التصوير مثل البيع
وكل تاجرة تستاجر منك ركن وتعرض اعمالها فيه

قبل كل شي .. الإستخآرة .. ويآ حبذآ لآ تصرفي المآل كله حتى يكون عندك سند لو خسرتي

بالتوفيق