السلام عليكم

انا يا اخواني انقبلت في مصرف الراجحي كول سنتر وابي رأيكم في الراجحي و الوظيفة هذي
هل هي متعبة وهل فيها ترقيات ؟؟؟ ، مع العلم ان ادارة الكول سنتر شركة متعاقدة مع البنك
و الراتب خلال فترة التدريب 2000 ريال وبعد التدريب 3600 وبعد الثلاث شهور 4600 وفي حافز
2000 ريال بحسب التقيم ، ابغى رأيكم في الوظيفة و الرواتب هل مناسبة ؟ ، لانه الراجحي
معروف يكرف موظفينه ويوريهم الويل ، واذا احد سبق له ان اشتغل فيه او عنده معلومة عن هذا البنك
لا يبخل علي يفيدني وينصحني تكفون الله يرضى عليكم اخوكم محتاار ، لاني سبق وجاني
عرض من ساب بنفس الوظيفة كول سنتر ورفضتها لاني ما كنت حاب هذي الوظيفة و كنت موظف
وقتها ، فهل ساب افضل من الراجحي ؟ وسامحوني على الاطالة

احس الراتب مره ضعيف

اذا مالقيت الا هالوظيفه توكل على الله ..ع الاقل تاخذ خبره

بس اذا موهلك فوق ثانوي حرام تظلم نفسك بكذا وظيفه وراتب

الله يسهل امرك ويرزقك

اول شي صح كلام صمتت
حتى لو الراتب قليل خذلك خبرة تراها بتنفعك على قدام
اذا حظك قليل بالوظائف مشي حالك 3 شهور عالاقل و اقبل فيها

وبعدين عندي ملاحظة . المفروض تسال عن الشركة المتعاقدة
مو عن بنك الراجحي
لانك راتبك وشغلك كله من الشركة المتعاقددة

واالله يوفق

الله يسعدكم على مروركم

البنك ما حدد لي اي معلومات عن الشركة حتى اسمها ما عرفته هم قالو بعد 3 شهور راح نحولك

على المصرف و الراتب راح يوصل بعد 4 شهور مع البدلات و الحافز 6000 بعد خصم التامينات

ياخوي المشكلة مو على الراتب المشكلة على الشركة المشغلة تاخذ جزء من الراتب لكن بما انك لاتملك خبره حاول انك تشتغلها في حالة ماحصلت وظايف أخرى مشي حالك في هذه اكسب الخبره وشوفلك مكان ثاني
لانه الشركات المشغله مافيها امان وظيفي من بعد الله

موفق إن شاء الله.

[align=center]
وعليكم السلام ..

وش مؤهلاتك ؟
[/align]

إذا قالو لك فيه تثبيت لاتصدقهم

و عليكم السلام

شغل الكول سنتر مُرهق نوعاً ما عن تجربة

لكن بما أنك جالس الآن بدون وظيفة أنصحك فيها و بقووووة , العمل في أي وظيفة أفضل بكثير طبعاً من البطالة على الأقل تكسب خبرة .

توكل على الله و إذا رزقك ربي بوظيفة أفضل أطلع منها ..


الله يوفقنا و إياك و جميع المسلمين ..