الله يوفقكم ياشباب ومشكورين على هالردود
من ناحية الرواتب العسكرية راح تكون افضل لكن اوقات الدوام اكيد ان الوظيفة الاكاديمية افضل
وان شاء الله انه اللي مكتوب له سيكون خير

يا اخي الكريم الاعادة افضل وظيفه على مستوى المملكه حالياً للخريج المتفوق
م راح تحس بطعمها صح الا وانت راجع بالدكتوراه ،،
ان بغيت رواتب فيها رواتب واكيد راتب الدكتور السعودي لا يقل عن 20 الف بعد ما يرجع بشهادة الدكتوراه ، وان بغيت راحه فيها راحه وان بغيت اجازات فداومك بكيفك متى م بغيت تداوم تداوم متى م تبغى اغيب راس مالها رساله للطلاب وأجل المحاضره وانت حرّ نفسك وفوق هذا اسمك له وزنه ومكانته وهالوظيفه راح ترتقي بتفكيرك بعقليتك بثقافتك .

واذا جيت ع المضمون ، كلها مو مضمونه بس يعمل بالاسباب
يقدم على الاعادة ويقدم على جميع الكليات العسكريه واذا جته يستخير
لا يغلط ويختار قبل ما يتم قبوله ..

موفقين .

بوح ديزاين
كلامك عين الصواب حفظك الله

وهو قرار صعب لكن اذا استخار الله واستشار ان شاء الله يصيب الخير كله
صحيح ان الدكتور له وزنه في المجتمع ولو تلاحظون اللي يجون ضيوف في القنوات والاذاعات ويتكلمون نيابة عن المجتمع في الغالب هم دكاتره
والضابط يبقى له مكانه عاليه في المجتمع لكن اللي اعلى منه يدعس عليه ويحس وقتها بذل العسكرية هههههههههههههههه
والله العسكرية مافيها شيء زين الا الراتب والمكانه فقط لكن هذا اللي حدنا الله عليه هههههههههههههههه