السلام عليكم

بدخل بصلب الموضوع >>> انا جاني قبول مصرف الراجحي الهاتفي " وصراحة

كنت مبسوط بالبداية اني لقيت وظيفة لكني شفت اكثر من يذمه هم موظفينه اللي اشتغلو فيه

يشتكو من ضعف الرواتب والبدلات والتلاعب في الحوافز التي يستحقها الموظف غير الضغط

الشديد اللي عندهم وعدم تقدير الموظف وتطويره يفضل طول عمره على وظيفته وراتبه ما يتغير

ومن الصعب جداً انهم يثبتو الموظف وفي ناس جلسو 3 سنين ولا ثبتوهم زي ما سمعت

وهذا اكثر شي خوفني وخلاني اتردد اني اسحب على الراجحي حتى لا يقع الفأس في راسي

كما وقع في رأس غيري ، كما ان الراتب يعتبر قليل نسبياً ما قارنة بالبنوك الأخرى

وهو الاجمالي 4600 + حافز شهري من 500 الى 2000 ريال يحدد حسب التقييم و الآداء

وانا ما شفت احد اشتغل في الراجحي ومبسوط وراضي ،تكفوون انا ما استغني عن نصايحكم

ابي الكل يشارك ويعطيني وجهة نظره في مصرف الراجحي الهاتفي .

وعليكم السلام ورحمة الله وبركاته

على البركة مقدماً

شكل جاك قبول على شركة سمارت لينك , أنصحك بأنك تقبل فيها من باب أخذ خبرة + مصروف شهري = إلى أن تجد وظيفة أخرى وتتركها

بالنسبة للتثبيت لا تدور تثبيت بالقطاع الخاص

اي وقت يطردونك



وبالنسبة لوظايف البنوك م ارتحت لها
تعب و تدقيق غير الشبهات و الربا


بالتوفيق لك

[align=center]
وعليكم السلام ..

أخوي إذا أنك عاطل أقبل ولا تفكر

ومتى ما حسيت أنك ما قدرت تتحمل الضغط أو ما أعجبك الوضع أو لقيت عرض أفضل

قدم أستقالتك , ومنها تكتسب خبره

الله يوفقكك
[/align]