السلام عليكم يااخوان برمجة موقع الالكتروني عبارة عن سوق الالكتروني مثا حراج ومستعمل

لكن يحتوى على فكرة جداا مميزة على مستوى الشرق الاوسط بالكامل

الفكرة الموقع يحتوى على فيديو خاص للموقع لا رفع فيديو عن الاعلان الي تبي تنزله


يعني مثلا عندك سياره تبي تبيعها تصورها بالفيديو لمدة تقريبا 2 دقيتين وتنزله في الموقع

طبعا الفديو يقبل فقط لمدة تقريبا دقيقتين

ويقبل صور 10 صور



المهم انا برمجة الموقع عند ترايدنت العربية

كلفت مبلغ جدا كبير بسبب الفيديو بحيث انه يقبل كافة الصيغ


المهم الموقع شغال ويحتاج فقط تسويق

الي يقدر على تسويق الموقع واتففق انا وياه على مبلغ كل شهر اعطيه

مثل اقصاد لاني متوقف بسبب المادة ارجو التواصل


جوالي واتس اب/++++++++++

رابط الموقع ***********

التواصل بالخاص

سوق قريشاتي



(الفكرة محفوظة عند مكتب محاماه

ماشاءالله تبارك الله الموقع جميل الله يوفقك ان شاءالله ...

الله يوفقك للخير

جزاك الله خير

مبرووك افتتاح الموقع والله يعطيك خيره ويكفيك شره

الله يبارك فيك اخوي

مبروك الافتتاح


تحتاج ياخوي تثري الموقع " بالمحتوى " الموقع خالي من المحتوى مافيه سيارات الا 13 سياره !

ونفس الشيء في عقار ولا فيه اعلانات


كيف يتم تسويق شيء خالي من المحتوى موضوعك هذا يعتبر تسويق للموقع بما انك ذكرته

انا دخلت الموقع واعتبرني زبون ماحصلت شيء خرجت يعني ماراح تستفيد من التسويق بشيء

بما ان المحتوى خالي يعني لو زار موقعك مليون زائر ماراح يستفيدون شيء

ونفس الشيء انا كمعلن كيف اعلن في موقع مافيه زوار وش الفائده من ذلك ؟


خلاصة كلامي هو بما انك حلقة الوصل بين البائع والمشتري

لازم اول شيء تبحث عن السلع وتعرض خدماتك على البائعين وتعرض انت محتواهم في موقعك

ثم بعد كذا تبحث عن زبائن للسلع المعروضه من خلال مواقع التواصل و و و و

وايضا تصفح المواقع من خلال اجهزة الكمبيوتر اصبح قليل في الفتره الحاليه واصبح التصفح اغلبه عبر الاجهزة الذكية

هل الموقع متوافق مع هذي الاجهزة ؟

ايضا لدي ملاحظه وهو انك تبي تستهدف جميع الدول والمدن في الوطن العربي وهذي من وجهة نظري ماراح تفيد الموقع

يكفيك منطقة الخليج فقط ك بدايه اذا نجح الموقع باذن الله تبدأ تستهدف مناطق اخرى اما من بدري تبي تستهدفهم والموقع في بدايته صعبه شوي !

وايضا اتمنى تركز على ميزتك وهي عرض الاعلان بالفيديو فقط وتبرزها بشكل لافت



اتمنى لك التوفيق والنجاح في مشروعك ولسى هذي البدايه لا تستسلم وقدامك مشوار طويل ويبيلك تطور الموقع اكثر واكثر

اتمنى منك طرح موقعك في اكثر من موقع اقتصادي واخذ اقتراحات حول الموقع وافكار تطويريه ولا تقف عن هذا الحد

نصيحه بخصوص خوفك على فكرة مشروعك من السرقة

صدقني الفكره ليست كل شيء ولا تشكل في العمل التجاري سوى 10 % العمل على المشروع وتسويقه وتطويره هي لب نجاح المشروع

ممكن تفتح بسطة خضراء وتشتغل عليها صح تحقق لك ارباح احسن من فكره جديده ماتشتغل عليها صح


موفق

الله يوفقك في مشروعك ويكتب لك الرزق

اما بخصوص التسويق

فهناك نوعين من التسويق

الاول تسويق عرض

تسوي اعلان في التلفزيون وهذا مكلف جدا وانتشار الاعلان ممتاز

تسوي اعلان في الصحف الورقية وهو اقل تكلفة وجيد في الانتشار

تسوي اعلان في المنتديات التجارية ومواقع التسوق الالكترونية وهي اقلها تكلفة واقلها انتشار

تسوي اعلان في مواقع التواصل الاجتماعي :
الواتساب : تسوي رابط للموقع تحت اي عنوان اثارة وبعده تبداء تسوي روابط للمعروضات عندك في الموقع حسب اهمية المعروض

التويتر : تسوي دعاية للموقع تحت اي هاشتاق يكون نشط وتابع الهاشتاقات النشطة واعرض اعلانك تحتها

الفيسبوك : تسوي اعلان مع الصور على راحتك لكن اعتقد ان الشعب السعودي تحديدا ساحب على الفيس بوك

اليوتيوب : اعرض السيارات والدراجات النارية واي شي اخر بفيديو يكون اول الفيديو اعلان لموقعك مع الرابط ونهاية الفيديو كذلك اعلان

طبعا نستثني الصحف الالكترونية لانها غير متخصصة ونستثني لوحات الدعاية والاعلان في الشوارع ومنشورات المناطق والاحياء لانها مقيدة بمكان معين

الثاني تسويق الطلب

ابحث عن الاشخاص اللي يعرضون في مواقع اخرى وتواصل معهم واعرض عليهم يضيفون اعلانهم عندك

ابحث عن التجار واعرض عليهم يعرضون بضاعتهم وعقارهم عندك

ابحث عن المتاجرين الصغار واعرض عليهم يعرضون عندك

ابحث عن التاجرات واعرض عليهن يعرضن بضاعتهن عندك وعطهن مميزات عن غيرهن <<< عاد هن يموتن بالسوالف هذي

ابحث في قسم الطلب في الاسواق الاخرى وتواصل مع اصحاب الطلبات واعطهم رابط طلبهم من موقعك

وانت بين خيارين في هالنوع من التسويق اما انك تسوي كل هذا بنفسك او تشوف لك واحد متخصص بالتسويق يسويلك مقابل راتب شهري مادامك تقول انك قادر على دفع قسط شهري


او تشوف شخصين او ثلاثة غير متخصصين بالتسويق وتعطيهم راتب اقل وتوجههم بنفسك


والله يالغالي عجزت وانا اكتب لكن اتمنى انك فهمت الفكرة يعني تراك قادر تسوق لنفسك بدون شراكة مع احد وبدون مبلغ كبير ..... خذ من تسويق العرض ( المنتديات + التواصل الاجتماعي ) وخذ من تسويق الطلب ( شخص متخصص بالتسويق او شخصين )

للمعلومية ترى مافية تسويق عرض وتسويق طلب هذي مصطلحات استخدمتها عشان اوضح لك الفكرة والا الصحيح ان التجارة عرض وطلب

عزيزي نصيحة لوجه الله كما قال احد الاخوان في السابق عليك بالمحتوى

اذهب الى معارض السيارات واعرض عليهم الموقع واخبرهم انه في حال اكتمال عدد معين من السيارات فانك ستقوم بنشر الموقع في الصحف واللوحات الاعلانية ..

كذلك مكاتب العقار والشركات العقارية اذهب اليهم وسوق لهم بدون اي فائدة حتى يصبح موقعك نشيط ومن ثم يزيد الزوار ..

ايضا لا مانع من الذهاب الى المطاعم والاسواق وعرض منتجك الاعلاني عليهم ..

واذا اصبح لديك كمية مناسبة من الاعلانات وخاصة في المدن الرئيسية مثل جدة والرياض .. صدقني المدن الاخرى ستأتي اليك تباعا لعرض منتجاتهم ..

وانا اول مندوب تسويقي لك في ابها بعد انتشار الموقع في المدن الرئيسية ..

اتمنى لك التوفيق

كل توفيق بمشروعك الله يرزقك يارب .. يمتاز بمقطع الفيديو هذا شي جيد .. تقدر تشتغل شوي بالتويتر وتضيف الناس كثثير او تشوف لك حساب من هالحسابات الي يتابعها ناس واجد وتعطيه ينشر حسابكك عنده ليش ركزت ع التويتر لانو الحين النسبة كبيرة من الناس تستخدمه وجهة نظري !