آلسلآم عليكم ..
طبعا انا قد عرضت عليكم فكرة لمششروع صغير بس لان راس مالي حيل قليل ,
فما اتوقع اني راح استمر في هالمجال ..
ف جاء في بالي فكرتين!
اول وحده ..
طبعاً كوني جامعية , فيطلب مني بحوث ووو...إلخ ،
مرتين طلبوا مني عرض تقديمي ( بوربوينت ) ،
وششغلي أعجب الدكتورآت والطآلبآت حييل !! ..
ففكرت أني أشتغل بهآلمجآل ,,
الا وهو اعمل عروض تقديميه للطالبات او المدرسات والدكتورات ،
وتلخيصات للدروس وما إلى ذلك ..
لكن طبعاً كوننا صرنا في نهاية السنه فما راح امشي حالياً في مثل هالمشروع يمكن ..
لكن بغيت لو حد عنده خلفية عن الموضوع ،
يفيدني لو سمح !

بالنسبه للفكرة الثانية ,
الا وهي تصميم ثيمات للحفلات ...
او تصميم اعلانات ..
أيضاً تصميم ثيمات لكوفرات الجوالات او الستكرات او الطباعه على التيشيرتات او الاكواب وغيرها ..
برضو بغيت اعرف لو احد عنده خلفيه عن هذي الفكره يفيدني ..
خاصة انو انا ..
حالياً ما قدر اوفر طابعة حرارية ،
يعني انا فقط علي التصميم والطباعه راح استعين بشخص اخر حتى يكون المشروع جاهز ..
فاللي عنده فكره بخصوص التكلفة لو استعنت بمكتبات مثلا للطباعه الحراريه ..
كم ممكن يكلفني ولو وفرتها عندي كم ممكن تكلفني برضو ..
أيضا بخصوص ثيمات الحفلات ما اعتقد أنو رآح احتاج لطابعه حرارية من اجل الطباعه على البنرات على سبيل المثال او على اغلفة علبات المويه او الحلويات او او او ..
فهل هذا صحيح او لا ؟
فقط اريد نظره شامله وفكره شاملة للموضوع جزاكم ربي خير !

الله يوفقك ويوسع رزقك امين

آمين حبوبة ويآج ,
اتمنى إفآدة!

[align=center][/align] فكرة حلووه واذا انتي مبدعه بالشغله مع الوقت راح تطورين وماندري يمكن تنافسين جرير والعبيكان ربي يوفقك ويسهل امرك نسيت اقولك قبل لا تسوين شي استخيري الله والخيره في اللي بيختاره

شغل الثيمات دارج حالياً شفت حسابات بالانستقرام وشغلهم روعه
يعني تسوي ثيمات لعلب المويا الصحة وهكذا على جميع الحفلات
الله يوفقك ويفتح عليك

ليش ماتريحين راسك طيب من التكاليف للطابعات والحبر وملاحقه العملاء

وتتعاملين مع محلات على التصاميم .. بحيث انك يطلب منك شخص واحد التصميم ومقاساتة وبعد نهاية الشغل تستلمي اجرك ..

الحل الثاني بامكانك تتعاملين مع قرطاسية او محل دعاية انك تطبعين عندهم ويسوون لك تخفيض في حال رغبتي بانك تقربين من الشغل

انا اشوف الحل الاول انسب لين تشوفين جدوى الموضوع وهل هو فعلا مجدي