السلام عليكم ورحمه الله وبركاته

اسعد الله جميع اوقاتكم بكل خير


عندي فكره تدور برأسي من فتره الفكر هذه توقعي انها مربحه جدا

والي عنده سلبيات او إيجابيات يفيدني

راس المال تقريبا 150الف

فكرت افتح بدايه 3فروع القصيم الرياض المدينه

ادري طولت عليكم. لكن الفكره نقل بضائع مثل زاجل وفيدكس وكذا. كلها مكتب وكمبيوتر وعامل الدينات بستاجر بدايه 3دينات ثنتين مع عمالها. والثالثه انا بكون سائقها ☺️

رايكم هل هي مربحه او لا
والله يكتب التوفيق للجميع

الله اعلم ان المبلغ ما يكفي

1- لازم تفتح محل في: الرياض . القصيم . المدينة .... كم راح تكلفك الايجارات والديكور ولازم مساحة مناسبة عشان تخزن فيها البضائع لأن اغلبهم مراح يجيك يستلم بضاعتة في لحظة وصولها

2- كم بقى معك من رأس المال...؟
----------------------------------------------------

لو تشتغل بدون مكاتب بسيارة خصوصي وتحط لك حسابات في كذا موقع وتحدد منطقة وحدة فقط مثل الغربية او الشرقية إلخ..... وتكسب خبرة ويصير عندك زباين يكون افضل لك ..

[align=center]
الفكرة ممتازة
أنا اقترح لو تخليها فرعين فقط بالبداية , وبعدين تتوسع
وانصحك انك لا تشتري دينات استاجرها بسواقها حتى ما يكلفك واجد
اما من ناحية المكاتب ترى ما تكلف مكتب بسيط جدا جنب مكاتب الشحن وعامل والفرع الثاني كذالك.
واهم شي الدعاية نزل اعلان اسبوعيا بالمبوبة للديرتين, واحساب بتويتر واحساب بالانستقرام

بالتوفيق[/align]

جزاكم الله خير
بنتضار الاخوه

٦٥مشاهده مافيه الا ردين
اااافففا !!!!!

للرفع
سبحان الله وبحمده من قالها في يومه ١٠٠مره حطت خطاياه وان كانت مثل زبد البحر

بالتوفيق

السوق مليان شركات شحن وبعضها بـ اسطول طائرات مو دينات

عندك البريد السعودي , فيديكس , ارامكس , يو بي اس , دي اتش ال , تي ان تي , رحال , زاجل , الما , هاتيكس

نصيحه راس المال ماينفع ابدا حتى كبداية

اذا انت بمدينة كبيره حاول يكون التوصيل والشحن داخل المدينة

مثلاً توصيل الشحنات من المنازل الى شركات الشحن والعكس

يبي لك اي سيارة

وفيه فئه محتاجه هاذي الخدمه الي هما البنات الي يبيعو عن طريق تويتر وانستقرام

هذا والله يوفقك

السلام عليكم ... عندي لك فكرة ثانية . ونفس الفكرة .. لازم تشوف احد تعرفة في كل منطقة .. وتاخذ سيارات مستعملة تكون رخيصة بس نظيفة , وتخليهم مثل المندوبين , لتوصيل البضاعة والطلبات يعني في موقع اسواق ستي يكون الحريم يبغو احد يوصل الطلبات للزباين يصير خلاص تشوف من اي منطقة ويتصلو على السايق اللي بالمنطقة ويروح وياخذ البضاعة ويوصلها للزبون وهكذا ... والله أعلم


لحد ماتجمع مبلغ وقدره تتوسع وبالتوفيق لك