السلام عليكم ورحمه الله وبركاته

ابي اقولكم قصه تقديمي الين التعيين والمباشره علا شان الكل يستفيد في القوات البريه

طبعا عانيت كثير وانا عاطل الامن العام والحرس مايقبلوني لي ان طولي158 قدمت علا الحرس وبعد معاناه 4سنوات طلع رقمي وفحصت وخلصت كل شي ورسبت بطول والبحريه كذالك وجلست افكر ضاع المستقبل والجامعات خلاص ماتقبلني لي ان صار للشهاده 5سنوات وقلت ابي اروح للخرج واجرب وسبحان الله الشخص مايدري وين رزقه فيه اول مادخلت التجنيد استقبلني مطوع وانا داخل الله صخره لي قال امر قلت ابي اسجل عندكم وسالني عن الشهاده والمؤهلات قلتله معاي ثانويه ورخصه عمومي ثقيل وعلا طول وداني للمدير مقابله شخصيه الكلام هاذا ب 1435/4/9 وقال نحطك بسلاح النقل قلتله الي تشوفه وعطاني موعد للمستشفى 1435/4/10يعني من بكرا وخلصت الكشف الطبي وجيت عند الطول الي واقفلي وانا علا اعصابي وقال الطبيب انت قصير قلت لاتقطع الرزق خلنا نشوف مستقبلنا ونتزوج ونستقر مع العالم والناس واعطيه من الكلام الطيب والحمد الله الله صخرلي الطبيب ويسره وحط طولي 160 والحمد الله انجح بلمستوى الثاني لي ان نضري ضعيف وسويت عمليه اليزر وسلاح النقل مايقبل الى المستوى الاول وثاني اما الثالث مايقبلون الى اذا كنت كاتب او فني والحمد الله وجت اوراقي من المستشفى الى التجنيد وقالولي عندك اختبار تخصص الي هو سياقه وختبرت من بكرا علا جهاز الاشارات المروريه ولوري 2ونص طن والحمد الله عديت الاختبار ب 1435/5/1 وارسلت معاملتي للرياض بتاريخ 1435/6/1 و صدر قرار تعييني بنفس اليوم الي ارسلو فيه اوراقي وهاذا بفضل الله سبحانه وتعالى انا من اهل الرياض وجا تعييني بالاسناد الهندسي المجموعه السابعه بدمام ورفعت مباشره وعطوني رخصه اسبوعين واول دوام لي يوم الاحد القادم باذن الله بتاريخ 1435/7/19

واهم شي لحد يتكتف يقول محد قبلني وانا فيني وتحط الوم عليك وعلا غيرك الي الله كاتبه لك والله يبي يصير لو اجتمعو الناس ليؤذوك والله محد يقدر وربي كاتبه ولو يبون يساعدونك محد يقدر وربي كاتبه واهم شي الصلاه والدعاء انا عانيت كثير والحمد الله الخالق ماينسى عباده والحمد الله علا كل شي وعقبال العاطلين انشاء الله