السلام عليكم


اخواتي مثل ما استفدت حابة اني افيدكم ولا ابي منكم غير الدعاء لي

معهد أبعاد النجاح بحي النفل مخرج 5 يقدم دورة لغة انجليزية لجميع منسوبات الضمان الاجتماعي
ولمن يقل دخل معيلها عن 8 ألف
وايضا هناك باصات توصيل لجميع مناطق الرياض
ويوجد حضانة للأطفال رسومها 200 ريال في الشهر
وشهادة المعهد معتمدة من قبل وزارة التربية والتعليم مدتها 12 مستوى كل مستوى مدته شهر

كيف تسجلين؟
اول شي الي عليك تروحين للضمان الاجتماعي وتطلبين منهم اثبات الحالة
دقيقة او دقيقتين بالكثير ويعطونك ورقة
تاخذينها وتروحين المعهد
وطبعا تاخذين معك هالاوراق كمان
بطاقة الاحوال الخاصة فيك بطاقة العائلة بطاقة احوال الوالد او صورة منها
واذا عندك طفل بتدخلينه الحضانة تجيبين بطاقة العائلة الخاصة فيه
وعلى طول يسجلونك وياخذون رقمك واول مايكتمل العدد يتصلون فيك

بالنسبة لاوقات الدوام
صباحي من 8ونص الى 11 ونص
الظهر من 1 الى 4
والمساء من 4 الى 7

اما موقع المعهد فهو خلف قاعة غناتي
تدخلين قبل قاعة غناتي يمين
وتمشين سيدا لين تجيك صيدلية عاليمين تدخلين بعدها يمين وتلقين المعهد عاليمين على طول


ان شاءالله اكون افدتكم

لاتنسوني من دعواتكم لي ولابنائي

الله يوفقك ويجعلها بميزان حسناتك

بيض الله وجهك وجعله في ميزان حسناتك جزاك الله كل خير

ماشاءالله مبروك عليكم
متى تفتح معاهد جدة ياريت أحد يفيدنا

بسالك متاكده انه يشمل الباصات
لان انا بيتي بعيد انا بشرق الرياض

اشكر مروركم اخواتي وجزاكم الله خير عالدعاوي الحلوة

اختي فناء
متأكدة مية في المية
لاني انا اروح بالباصات وموجودة جميع الاحياء
مع العلم ان بيتي في الجنوب يعني ابعد من بيتك

جزااااااك الله خيررررر واحنا عندنا معهد بيرلتز بالاحساء نجرس فيه انجليزي ومده الدورة سنة ويقولون معتمدة

ان شاء الله تون معتمدة

وياك يارب
والله يسهل امور الجميع ان شاءالله

الله يجزاك خير ...

في ميزان حسناااتك يارب ..