حكاية حياة+حسين محمد الحسن
ارسلولي حسابكم اضيفكم ..

تقدر تشترك في موقع للتسويق برسوم رمزيه للتجار والتاجرات مميزته ممتازه انه هو الي يتكفل ويعطي الزباين هدايا عند الشراء عن طريق موقعهم لتشجيع الزباين علي الشراء عن طريق الشبكه الكترونيه
راسليني خاص اعطيك تفاصيل

[align=center]اللي عندة افكار ولااقتراحات يطرحها لنآ[/align]

أنا اشتغلت في هذي الشغلة من حوالي سنة وغيرت نشاطي لوجود منافسة كبيرة في هذا المجال مع ان فرص النجاح كثيرة بس يبيلها التركيز على أهم شي وهو ( التميز ) ثم ( التميز ) ثم ( التميز ) ، صدقني اذا بضاعتك نفس اللي بيلقاها الزبون في المحلات حتى لو سعرك أقل بيقول : ليش انتظر الشحن ؟ بأشتري من هنا وامشي، رائع جدا وضروري لو تركز على ماركة محددة ماهي متوفرة بشكل كبير أو قطعة معينة وتتخصص فيها والموضوع بسيط تابع المنتديات والمدونات اللي تتكلم عن الجديد في التقنيات وشوف توصياتهم بجهاز معين أو اكسسوار معين وقم بتوفيره مع أول الناس .. وبتلقى خير بإذن الله


عندي لك بعض الاقتراحات :
--------------------------
عن تجربة أفضل موقع لتسويق مثل هذي الشغلات هو سوق.كوم مع ان فيه مشكلة وهي احتكار الشحن عن طريق شركة أرامكس وهي الشركة الأسوأ بلا منازع وصار لي معاهم مشاكل كثير بسبب تأخير شحنات الزبائن وخسروني بضاعة وزبائن كثير ..
ما راح ادخل لك في تفاصيل الشحن بس راح اشرح لك سبب تفضيلي لسوق.كوم لمبيعات الأجهزة والاكسسوارات :
- ميزة الموقع دعايته الكبيرة وكل الناس تعرفه وتشتري منه يعني ما راح تخسر لا فلوس ولا جهد في تسويق منتجاتك
- رسومهم معقولة مقارنة بمواقع التجارة العالمية مثل أمازون وإي باي
- يكفونك عناء التواصل مع الزبائن وخدمة العملاء والسعر محدد يعني ما تتعب خاصة مع بعض الزبائن اللي يجلس يفاصلك ساعتين ونص على الواتساب وفي الأخير يبطل يشتري ههههههه

بس عيبهم الكبير هو الشحن وانك ما راح تستلم فلوسك الا بعد ما يستلم الزبون السلعة من أرامكس (وصارت لي كثير زبائن يطلبون ولايستلمون سلعهم وتجلس بضاعتك معلقة في أرامكس وما تستلم فلوسك )

باختصار .. اذا تبغى زبائن كثير وبالك طويل على استلام الفلوس استخدم سوق.كوم

----------------
برضه موقع البريد السعودي إي مول بس يشترط وجود سجل تجاري
---------------
كذلك أنصحك بالاعلان في موقع حراج وموقع مستعمل وموقع بوابة الانترنت الرقمية .. هذي المواقع أشهر مواقع لبيع هذه البضاعة ومتصفحينها كثير والحمد لله لقيت فيها خير ..


بالنسبة لتويتر وانستقرام .. ضروري تكون عارف الشريحة اللي تتوقعهم كزبائن وتتابعهم وتتفاعل معهم ومع هاشتاقاتهم يعني تحاول يكون تفاعلك شخصي أكثر من انه تسويقي وفيه دروس كثير في مجال التسويق عن طريق الشبكات الاجتماعية انصحك تبحث عنها وتتعلمها
والله يوفقك

الله يوفقكم للخير