[align=center]والله كلها فيها خير

اللياسه والبلاط ممتازه وربحها سريع ومضمون إن شاء الله ..

والله ودي أتكلم كثير لكن أبي أحد يشاركني رأيه ونتناقش ونطلع بفايده للجميع :؛

[/align]

المقاولات فيه خير ولكن يبيلك عمالة جيده. وبصراحة افكر فيها من زمان لكن مشكلة انا موظف حكومي وماعندي وقت.

يعطيك العافية اخوي بيارق

وعندي بعض الاستفسارات ..

طبعا مؤسستي ان شاء الله إنها تمت أمورها ..

ومن المتوقع ان مكتب العمل يعطوني ٣ تأشيرات ..

السؤال : هل الجنسيات أحددها انا أو هم ؟؟
وبرضوه المهن ؟؟

لأني ابيهم تلييس وبلاط ،، ما ابي نجار والا سباك او حداد ..

وهل الافضل اني انقل كفالة أو اذا كان احد العمالة يعرف هناك في بلدهم ناس سبق واشتغلت هنا واجيبهم .. طبعا التأشيره بتكون عليه بدون زيادة عليهم ..

ويعطيك العافية

ياأخوان انا باكمل اوراق الوالده الله يطولي بعمرها الاسبوع القادم علشان افتح مؤسسة مقاولات بأسمها لكن مدري ايش المطلوب من الالف حتى الياء ياليت لو كلفت على احد الله يجزاه بالجنه يعطينا من وقته شوي ويعطينا كل شي يطلبه البلديه وكل اللي ممكن يخفى علينا

ياأخوان أبغى رد تكفووون ..

[align=center]رونالدو عاطل

أنت تحدد الجنسيات والمهن

والأفضل أنك تنقل خدمات أحد قديم وقوله هذي التاشيرات واتفق معه على الشغل والله يسهل امورك [/align]

[align=center]القهوه العربيه

لو كلفت على نفسك بالبحث راح تلقى اللي تبي وكذلك لو رحت بنفسك للبلديه وراجعت الدوائر الحكوميه بتلقى اللي تبي وهذا الأفضل انك تروح بنفسك عشان تتعلم وتكسب خبره .

عموما البلديه طلباتهم سهله ( عقد ايجار _ صورة البطاقة _ وكاله _ المحل _ برنت الأحوال )

هذي الطلبات الأساسيه وتختلف من منطقه لأخرى لكن بشكل عام سهله أمورهم إن شاء الله

الله يوفقك [/align]

يعطيك العافيه في البدايه

تبي الصراحه انا متردد كثير اني ادخل به المجال بحكم
الخبره القليله والماده والخوف من الخساره

ابي اعرف كم التكلفه لبداية هالمشروع ياريت لو بالتفصيل

وافضل بدايه تكون من وين ؟

اخي العزيز

اصعب مايواجه اصحاب المقاولات العمالة (اخص بذلك اصحاب المؤسسات الصغيرة)
حتى لوجدت العامل صعب تتفاهم او تتفق معاه
ولو كان على كفالتك فلو نفرض ان لديك عامل
بشتغل بالراتب راح تلاحظ عدم اتقان بالعمل والتماطل فيه
وكذلك لو نفرض باليومية راح ياخذ من وقت اكثر من اللازم
من اجل ان يظفر بزيادة الايام يعني بالعامية الشغل اللي ياخذ
يومين واح ياخذ اسبوع باقل جهد وتعب وطول اليوم منسدح
وانا اشوف الحل يكون بالنسبة افضل بينك وبين العامل

فما رايك اخي العزيز في كلامي وماهو الحل ?

ولي عودة

دمت بحفظ الرحمن

بالتوفيق