السسلام عليكم ورحمة الله وبركاته

اخباركم ان شاء الله الف خخير ..

مسساءء الخخير // صصباح الخخير

نبدا بموضوعي
تخرجت من الثانويه عام 1433 قبل سنتين من الان
بنسبه على الحفه ,مستواي العلمي لكم عليه
قدمت تربيه ب الجامعه , وقبلوني , لاكن قبلوني
بمستوى علمي يعني بمستوى يتعلق ب الكيمياء .الخ
جميع المواد انجليزيه , وانا ب الانجليزيه , ضعيف وفاشل

مرت الايام وانا مداوم ولا ادري وش يتكلم الدكتور ..

رحت بحول من تخصصي الى تخصص ادبي بحكم اني مستواي ضعيف
رفضوا طلبي الا تروح يم عرعر , طبعا جامعة رفحاء تابعه ل عرعر ,
بوقتها كنت غبي , مارككبت سياراتي ورحت حولة , كلمت الوالد
انه يروح معي يم عرعر عشان التحويل , رفض , يقول تخصصك مطلوب
وتلقى وظايف , والادبي مافي وظايف ومن هالكلام , طبعا قلت له وضعي
واني مستحيل انجح ,,,,,,,,, طبعا رده وله سنه يعيده على راسي #

ليشش الي معك ينجحون وانت لا ؟؟؟؟؟؟؟؟؟؟؟؟

طقة تسبدي وفصلت من الجامعه ,, وبعديت اقدم وظايف مافي شركه
الا قدمت عليها , رحت الرياض ورحت عدة مناطق , وقدمت لاكن مافي قبول

قبل فترة قبلوني العثيم , داومت 14 يوم واحترق <<وجهه نكبه هههههه
عطوني اول راتب ناقص , ثاني راحت مافيه ,والثالث مافيه
المهم
قررت اقدم جامعه الجوف وادخل تخصص ادبي
لاكن جامعه رفحاء بالنظام ماتقبلني الا بعد سنتين

بحكم الكل يمدح جامعه سكاكا وكذا واحد من القرايب فيها ويمدحونها

لاكن مو هنا مشكلتي كل الكلام الي فوق ماله دخل بمشكلتي


#مشكلتي الاهل محطميني , انت فشلت بجامعه رفحاء , وانت فاشل
كيف تترك العثيم , خلك فيه , طيب انا بكمل الجامعه ,لا ماتكمل انت فاشل
انت مانجحت ب مواد العربي ب رفحاء تبي تنجح خارج رفحاء ,,,

طبعا انجحت ب العربي لاكن مانجحت ب A+ نجحت ب C+

طولت عليكم ويمكن نص كلامي مو واضح ..

بسسس الي ابيه عطوني رايكم , الي يصير ب الموقف وش يسسوي
وربي ودي اكمل وراح من عمري سنين على الفاضي , ندمان شد الندم
اشوف العاطلين مافيهم الي توظف وشهايدهم فوقي , فكيف اانا ثانويةة

كرهت رفححاءءء

الله يوفقك

نصيحتي لك كمل دراستك بتخصص أدبي وخذ الشهادة ولا يهمووونك
وما شاء الله ما فاتك شي
وأنت طمووح ولا تسمع للي يثبطووون من اهلك وحولك
ترى لا جت الجدية محد بينفعك
الناس وهم أهل أن تميزت حسدوك وإن فشلت حطموووك

اصنع نفسك بنفسك وقدم اوراقك للجامعة وادرس اللي تبيه
وبإذن الله تتخرج وتتوظف والله يرزقك من فضله

لا يغرك أغلب الشباب اللي معاهم جامعة متوظفين حكومي
واكيييد فه ناس بطالة بس هم استثناء
الاغلب متوظفيين
مو مثل البنات لان الاولاد فرصتهم اكثر
لأن الحكومة حريصين ع توظيف الشباب أكثر
هم عماد البلد

ياخوي مافاتك شي ، سجل وكمل دراستك وتخرج
سنتين ولا عشر سنين تجلس عاطل او بوظيفة مو قد الطموح ، اما بالنسبة للتحطيم بعض الاهالي كذا اسوبهم من حرصهم الزايد هم مو قصدهم التحطيم ابد ...
وبالنسبة للانجليزي ياخوي : قريبتي مثلك كانت تقول مستحيل اتعلم انجليزي وانجح وفي بداية الجامعة كان مستواها ضعيف لكن بدأت تقتنع وتتأقلم وأخذت دروس تقوية انجلش عن بعد ، انت لازم تقنع نفسك انك تقدر تتعلم ان كان لك رغبة حاول وثق بقدراتك .....
انصحك تكمل دراستك باي تخصص مقتنع فيه .. الثانوي ماعاد تنفع زي أول ...وأكثر من الدعاء والاستغفار والله ييسر أمرك ويوفقك ..

مافاتك شي ولا شي بس انت الله يهديك يهمك كلام الناس وتخاف

تخاف انك تكون فاشل بالدراسه وعاطل برى الدراسه .. مافي خيارات كثيره ..

ادرس ادبي .. علوم اجتماعيه كليات انسانيه .. الخ ... وانتهة السالفه . شف جامعه الجوف يقولون سهله .

بالتوفيق ...

توكل على الله وكمّل أغلب اللي ماكملوا ندمانين على السنين اللي ضاعت
وانت توّك مافاتك شيء يمكن السنة اللي مادرست فيها حسّستك بأهمية الدراسة وصرت أكثر جدية أنك تكمل ،
اجتهد بدراستك وبالقسم اللي لك رغبة في تعلمه حتى توصل للي تبيه وهدفك بإذن الله


موفقين .

وعليكم السلام ورحمة الله وبركاته ..

لا تتكدر ولا يهمك شي

أخوي أنت عارف إن الفشل نعمة من الله ..
الفشل محطة تخليك توقف مع نفسك تعرف قيمة الأشياء .. رح يخليك تعرف تحدد خطواتك بثقة وبتمييز أكثر

صدقني على قد مرارة الفشل بتحس بطعم النجاح بس بشرط ،، أنت مستعد ..!!

شوف أخوي العثرات في حياتنا موجوده وبدرجات متفاوته

بس إحنا إلى ممكن نخلي هالعثرات قفزات لمستقبل إحنا نصنعة بالتوكل على الله والإصرار أو مستنقع نغرق فيه

دامك وصلت لمرحلة يأس وفشل ..
يعني الله يحبك لأن الله عز وجل إذا أحب المؤمن أبتلاه حتى يتقرب منه ويطرق بابه

وتذكر إن الله عز وجل يقول أنا عند ظن عبدي بي فاليظن بي مايشاء...

بس بعد (إن الله لا يغير ما بقوم حتى يغيروا ما بأنفسهم)

أفتح صفحه جديده مع صلاتك والاستغفار والشكوة لله والسعي لرزق

أما أهلك لا تلومهم .. وبيدك أنت ترفع نفسك بأعينهم

ردد دائماً

اللّهُمّ إلَيْك أَشْكُو ضَعْفَ قُوّتِي ، وَقِلّةَ حِيلَتِي ، وَهَوَانِي عَلَى النّاسِ، يَا أَرْحَمَ الرّاحِمِينَ !