عندي نيه افتح مشروع مغسلة سيارات

حسام الاحمدي · #1 (**permalink**) 22-05-2014, 04:42 AM

السلام عليكم
تحيه طيبه للجميع
لي كم يوم جالس افكر وانا ابحث عن مغسله للتقبيل
وانا جالس انتظر وظيفه الاعمر ولاكن الححين ماشرفت
الحمدد على كل حال ...

قلت خليني افتح مشروع تجاري واشتغل زي غيري
علما باني من الناس الي مايعبني الشغل يعني ممكن تلاقيني اغسل معى العمال
في حاله الضروه والنقص
وحبيت أستفسر منكم عن كم شغله تخص مشروع مغسله السيارات
- تكلفه اجماليه للمشروع معى عمل ديكور الامنيوم ؟
- ايش افضل صندوق دعم المؤيه ام رياده او بابا رزق جميل ؟
-لو تقبلت مغسله ثلاث فتحات كم يعطوني فيز ؟
-ايش افضل عماله ؟ النيبالي ام الفلبيني بنسبه للمشرف بجيب هندي
- كم رواتب العمال في بدايه المشروع ؟ وكيف اقدر احفزهم ماليا وبنفس الوقت مابيها
يمسكوني مع اليد الي توجعني بمعنى( ما نشتغل الى لمى تحفزنا )
-ايش المكاين المطلوبه والتجيهزات ؟
-لو اسوي عروض شهريه بأشتراك هل هي فيها ارباح ام خساره ؟
-بنسبه للماء هل المحطه توفر لي الماء ام انا ادبر الموية عن طريق وايت ؟
-تلبيسه المقاعد والدعاسات والطاره هل هي جاهزه ؟ او انا اشري الكيس واشتري الكاويه واسويها بنفسي !
- لو انت زبون وش يجذبك في المغسله ؟
- كيف اتعامل لاقدر الله مرض احد العمال وخاصه معى حمله تصحيح الاوضاع لايسمح بأنك تشغل احد الى بكفالتك ؟

- ابي الاشياء السلبيه في هاذا المشروع ؟
- بنسبه للزكاه المال (2.5) لو المغسله تدخل علي شهريا 30 الف وصافي الربح في جيبي
10 الاف هل اخرج زكاه الـ30 الف ام 10 الاف ؟

بتوفيق للجميع ارجوكم جوابوني على النقاط الي ذكرتها
الله يرزقنا ويرزقكم واسع رزقه حلال طيب ومبارك

فورد شنر · #2 (**permalink**) 22-05-2014, 02:48 PM

موفق انشالله انت باي منطقة

مطور مواقع · #3 (**permalink**) 22-05-2014, 02:59 PM

اتمنى احد يفيدك الخبرا والمجربين لاني فعلا ناوي هالمشروع عما قريب

AL Shemali · #4 (**permalink**) 22-05-2014, 04:15 PM

حسب علمي صدر قرار إن مغسلة الملابس حاليا لازم تكون داخل محطة سيارات
واللي قبل النظام مسموح لهم ..

حسام الاحمدي · #5 (**permalink**) 22-05-2014, 07:49 PM

اقتباس:

المشاركة الأصلية كتبت بواسطة فورد شنر

موفق انشالله انت باي منطقة

هلا فيك اجمعين انا في المدينه المنورة

اقتباس:

المشاركة الأصلية كتبت بواسطة مطور مواقع

اتمنى احد يفيدك الخبرا والمجربين لاني فعلا ناوي هالمشروع عما قريب

تابع واستفيد بأذن الله تتوفق

اقتباس:

المشاركة الأصلية كتبت بواسطة AL Shemali

حسب علمي صدر قرار إن مغسلة الملابس حاليا لازم تكون داخل محطة سيارات
واللي قبل النظام مسموح لهم ..

موضعنا استاذ الفاضل
عن مغسله سيارات ... ولاكن الانظمه كل يوم ولهم رائ وقرار
غير التعقيدات على المسلمين

مطور مواقع · #6 (**permalink**) 22-05-2014, 09:18 PM

قبل شهر فاتحه مغسله جديدة كانه حوش على الشارع العام في المحافظة وفيه برضوا مغاسل جديده نفس الشي بدون محطة

AL Shemali · #7 (**permalink**) 22-05-2014, 09:32 PM

طيب ياعزيزي غلطت بكلمة الملابس انا اقصد السيارات
حسب علمي حاليا ً ممنوع تفتح مغسلة إلا بترخيص قديم قبل القرار
اسأل وتأكد والله يرزقك ويرزقنا ..

العقيداحمد · #8 (**permalink**) 23-05-2014, 03:00 AM

والله اتوقع مشروع مربح
لاكن اخوي نصيحه تميز عن المغاسل الباقيه بشئ
مثلاً تلميعة الكفرات ولا كما ذكرت تلبيس الفرشات
أسأل الله لك التوفيق وسداد الرأي

حسام الاحمدي · #9 (**permalink**) 23-05-2014, 11:35 AM

اقتباس:

المشاركة الأصلية كتبت بواسطة مطور مواقع

قبل شهر فاتحه مغسله جديدة كانه حوش على الشارع العام في المحافظة وفيه برضوا مغاسل جديده نفس الشي بدون محطة

اذا عندكمعرفه تفتح حتى لو بحاره

اقتباس:

المشاركة الأصلية كتبت بواسطة AL Shemali

طيب ياعزيزي غلطت بكلمة الملابس انا اقصد السيارات
حسب علمي حاليا ً ممنوع تفتح مغسلة إلا بترخيص قديم قبل القرار
اسأل وتأكد والله يرزقك ويرزقنا ..

حياك اخوي أمين يارب

اقتباس:

المشاركة الأصلية كتبت بواسطة العقيداحمد

والله اتوقع مشروع مربح
لاكن اخوي نصيحه تميز عن المغاسل الباقيه بشئ
مثلاً تلميعة الكفرات ولا كما ذكرت تلبيس الفرشات
أسأل الله لك التوفيق وسداد الرأي

بارك الله فيك

دبي دار الحي · #10 (**permalink**) 24-05-2014, 01:30 AM

اقتباس:

المشاركة الأصلية كتبت بواسطة حسام الاحمدي

السلام عليكم
تحيه طيبه للجميع
لي كم يوم جالس افكر وانا ابحث عن مغسله للتقبيل
وانا جالس انتظر وظيفه الاعمر ولاكن الححين ماشرفت
الحمدد على كل حال ...

قلت خليني افتح مشروع تجاري واشتغل زي غيري
علما باني من الناس الي مايعبني الشغل يعني ممكن تلاقيني اغسل معى العمال
في حاله الضروه والنقص
وحبيت أستفسر منكم عن كم شغله تخص مشروع مغسله السيارات
- تكلفه اجماليه للمشروع معى عمل ديكور الامنيوم ؟
انا فتحت مغسلة سيارات بالقصيم وقفلتها حسدني صاحي المحطه لاني كنت افضل من المحطه والبقاله والبنشر الله لايرزقه ولا يوفقه
بالنسبه لديكور مغاسل السيارات ماله اهميه الديكور ولا شفت مغسلة سيارات فيها ديكور المغسله اغراضها وكل شي تكلفتها توقع من عشرين الف الى خمس وعشرين وزين الرافعات الجزئيه عن الحدادين الي ترفع الموتر وتغسله من تحت واشتغل مع المغسله غسيل السجاد والكنب والمساند وفرشات البيوت
- ايش افضل صندوق دعم المؤيه ام رياده او بابا رزق جميل ؟
-لو تقبلت مغسله ثلاث فتحات كم يعطوني فيز ؟
مغسلة السيارات اتوقع يعطون عليها من ثلاثه الى خمسه
-ايش افضل عماله ؟ النيبالي ام الفلبيني بنسبه للمشرف بجيب هندي
الافضل النيبالي راتبه رخيص وخشته قريبه للفلبيني والفلبيني لو جبته بيكلفك راتب ومايجي الا اذا دفعت حول العشره عليه قبل يجي لهم نظام
- كم رواتب العمال في بدايه المشروع ؟ وكيف اقدر احفزهم ماليا وبنفس الوقت مابيها
يمسكوني مع اليد الي توجعني بمعنى( ما نشتغل الى لمى تحفزنا )
النيباليه اتوقع رواتبهم من 800 الى 12000
-ايش المكاين المطلوبه والتجيهزات ؟
اهم شي هات مضخة الصابون والضغط حق المويه لانه مرغوب ومايخلي السياره تطول
-لو اسوي عروض شهريه بأشتراك هل هي فيها ارباح ام خساره ؟
تزين كروت خاصه بالمغسله كل ماغسلت السياره تعطيه وتكتب عليه اذا جمعت خمس كروت تغسل السادسه مجاني وترجع الكروت هالحركه شفتها بمغاسل بعرعر والا انا ماسويتها بمغسلتي لو تبي كيف اشكل الكرت اصوره وارسله لك
-بنسبه للماء هل المحطه توفر لي الماء ام انا ادبر الموية عن طريق وايت ؟
هذا على حسب البلديه عندك وبعض الاوقات لازم تجيب يقضي المويا والمشروع مايصب الا بالاسبوع مره تصير محرج اذا كان فيه سكن ويحطون اللوم عليك
-تلبيسه المقاعد والدعاسات والطاره هل هي جاهزه ؟ او انا اشري الكيس واشتري الكاويه واسويها بنفسي !
ماشفت مغاسل بالقصيم تسوي هالشي اما تلميع الطاره كنا نشتري التلميع حق الكنادر ونلمع الكفرات فيه
- لو انت زبون وش يجذبك في المغسله ؟
بعد ماقفل الي حسدني مغسلتي كرهت المغاسل
- كيف اتعامل لاقدر الله مرض احد العمال وخاصه معى حمله تصحيح الاوضاع لايسمح بأنك تشغل احد الى بكفالتك ؟
الي يمرض توديه للمستشفى اما وش تسوي دبر عمرك بعامل
- ابي الاشياء السلبيه في هاذا المشروع ؟
السلبيات الي فيه المضخه حقت الماء دايم كانت عندي تخرب دور لك شي اصلي لو هو غالي واشتره واستشير المغاسل الي عندك لان ضغط الماء ان خرب عليك تتعب ولاجل تحافظ عليها شوف البركه نظيفه والا لا
- بنسبه للزكاه المال (2.5) لو المغسله تدخل علي شهريا 30 الف وصافي الربح في جيبي
10 الاف هل اخرج زكاه الـ30 الف ام 10 الاف ؟
هاذي اسئل شيخ عنها واذا كنت عن زكاة الدوله هي ماتسئلك عن كم دخلت وكم خسرت ياخذون على العامل لو ان شاءله ماتشتغل
بتوفيق للجميع ارجوكم جوابوني على النقاط الي ذكرتها
الله يرزقنا ويرزقكم واسع رزقه حلال طيب ومبارك

بالتوفيق والله يرزقك من فضله بس اذا ماكان عندك تاشيرات افتح موسسه وهات العمال ثم افتح المغسله لان المغسله ايجارها غالي وعلى بال مايجون عمالك بيكون حلت عليكم الدفعه الثانيه من الايجار