المحامي لمين بيتوكل للجميع ولا مختص بفئه لأن احنا بصراحه اكثر ناس منفصلين مو يد وحده ..

نتمنى أحد يصمم لنا صورة ليتم توحيد الصورة للجميع المشاركين في الحملة..

وتكون الصورة مكتوب فيه اسم الهاشتاق ..

الله يوفقنا

السلام عليكم ورحمه الله وبركاته
كيف حالكم يا اخواني وخواتي فعلا فعلا الموضوع يستحق والمفروض علينا ان نتكلم بجديه في هذه القضيه التي لا زالت مستمرة معنا كشباب الوطن الغالي ابي اعرف شي واحد بدون وظيفة كيف لنا ان نعيش او نتزوج او نبني انفسنا مثل غيرنا من سبقونا وتم توظيفهم الان الشاب منا ينتهي من اربع سنوات جامعه ويفرح بالتخرج لكي يتفاجئ بالعاطلة بانه لا يوجد توظيف لابد ان نتكاتف ونحط ايدينا بايدى بعضعنا البعض ونتكلم باعلي صوت هذا شي من حقوقنا ولا ما كان موضوع العاطلة والتوظيف خطبة الجمعة في الحرم المكي من حوالى شهر لابد ان يفتحوا لنا المجال

الاحظ في الهاشتاق كلن يغني على ليلاه الخريجات القديمات و اللي معدلهم اعلى من قياس واللي قياسهم اعلى من معدلهم واللي مو تربوي واللي منتسب وكلن يبي هو اﻷول يتوظف !!!!
الهاشتاق ينطلق 8/5 العامل المشترك بين الجميع التوظيف فلو سمحتوا
يكون المطلب في الهاشتاق استحداث اﻵف الوظايف بأي طريقة كانت ﻷن اذا كثرت الوظايف بتنحل المشكلة مو كل واحد يبي اللي يخدمه وبس ويدور أحقيته في الوظيفة حنا نبي وظااااااايف بالﻵف المؤلفة ﻷنها بتنزل النقاط وبتدخل الغير تربويين والمنتسبين والمل بياخذ حقه ان شاء الله

أتمنى تكون مضمون التغريدات بالهشتاق التالي
1/ تفعيل قرار التقاعد المبكر
2/ استحداث وظايف
3/ اغلاق التخصصات في الكليات والجامعات للتخصصات المكدسة
4/ افتتاح تخصصات جديده بالكليات مطلوبه في سوق العمل

إن شاء الله الجميع يتحد يد بيد حقنا يروح قدام عيوننا وحنا ساكتين ننتظر انطلاق الحمله على خير وبتوفيق الله إن شاء الله

معاكم قلبا وقالبا
نبي استحداث وظايف للكل
الكل لازم يتوظف