[align=center][/align]بسم الله الرحمن الرحيم
والصلاة والسلام على سيدنا محمد

اخواني اخواتي يشرفني اني اكتب بهالمنتدى وخصوصا هالقسم لانه بصراحه يعتبر مرجع للافكار لكل شخص حابب انه يطور من نفسه ويبحث عن الرزق او الزياده فيه

ما ابي اطول بصراحه انا شخص مطلع قرض من البنك قرابة 130000 ريال وموظف بشركه ونمط عمل صعب جداً وقد لا اكون متفرغ 100٪ لمشروع اتابعه ولانو بصراحه حابب اترك وظيفتي بس بعد ضمان المشروع وحابب اعرف ارائكم وافكاركم وكيف ابداء لانو ماعندي فكره بالانظمه

شاكر لكم

معقوله ولا رد ؟!

حياكم الله
اولا احذر من النصابين تراهم كثيرين ولاتنغر بكلامهم المعسول
لازم انت تقوم بكل شي ماعندك وقت فراغ فانصيحتي لك تاجل المشروع
المبلغ كبير 100 الف فلازم تكون حذر لكل مشروع تدخله
عندي مشروع يكلف 12 الف ريال الله واعلم توقعاتي بهالمبلغ يمكن يكون اقل او اكثر وماراح يزيد عن 20 الف
تطبيق يصمم ويبرمج ويحمل على الاجهزة المحموله طبعاً ابي اخليه بعد ماينتهي على رقم موحد في شركة الاتصالات السعوديه يحملونه الناس 12 ريال وان شاء الله نتوسع للخليج والدول العربيه
فكرة التطبيق مجربتها على ارض الواقع جميلة جداً قلت ليه مااعملها تطبيق حتى اربح منها
انا ماملك الا الفكرة لو حاب تشاركني يمكنك الاطلاع على العاب الاجهزة المحموله وطريقة الربح منها عالنت
طبعا الارباح 12 ريال 6 ريال راح يكون نصيبنا اذا شاركتن 3 ريال لي و3 ريال لك من كل عملية تحميل و6 ريال للاتصالات والله ولي التوفيق

أساس نجاح أي مشروع بعد التوفيق من الله هو الادارة والمتابعة من صاحب العمل و المشروع نفسه

اذا كنت غير متفرغ لبناء وتأسيس مشروع ليه ماتشتري محل جاهز أو تشارك فيه بحيث مثلا تتفق مع صاحبه تكون شريك وتفتح فرع ثاني له أو تساهم بتطوير نفس المشروع
كذا هو يتوسع وانت صار عندك مشروعك اللي تديره وتكون مسؤول عنه وتقدر تترك وظيفتك
الفكرة صعب تحقيقها لكن جرب وابحث

مانصحك اخووي والتجارة ربح وخسارة وبعدين التجار مرة ربح ومرة خسارة وانت في وظيفتكك افتحك محل جولات خضرة هذي لا شياء تمشي ولا بوفية والله خير الموفقين وستخير واسال الله العلي العظيم انة يبارك لة فيها

الله يطرح في مالك البركة ويرزقنا ويرزقك من واسع فضله

،

اولا اخوي لا تترك وظيفتك لحد ما تؤمن مشروعك وتجني أرباحه فعليا
وثانيا رأس مالك كبير فلا تغامر فيه كله ، بحيث لو انك خسرت لا سمح الله تكون ما خسرت كل شيء
ولو ربحت بإذن الله بيكون عندك مبلغ اضافي من المتبقي وممكن تضيفه على الربح وتدبل ربحك لأضعاف

حاول مبدئيا تفتح لك محل جوالات وصيانة ، وتجيب لك فني صيانة
وأشرف على العمل بنفسك من بعد العصر لين 10 بالمساء

أو
تأجر المحل على العامل وهو يعطيك مبلغ ثابت شهريا تتفقون عليه
وتفتح فرع ثاني ونفس السيناريو تأجره ، وتفتح فروع أخرى وهكذا


أو شوف لك موزع ثقه ، وأستورد له منتجات من الصين وهو يصرفها لك
هذي ربحها كبير جدا بس وين الموزع الثقه


دعواتي لك بالتوفيق