أخوانـ/تــي

السلام عليكم وورحمة الله وبركاته

عندي موضوع محتارة فيه

وابيكم تشيرون علي بالنافع لي

أنا أختكم معي ماجستير أحياء ..وأشتغل الحين ولله الحمد محاضرة في الجامعة لي سنة .. ولكن وظيفتي مو رسمية .. تعاون !!

أنا الحمد الله مرتاحة في شغلي ( كبيئة عمل يعني ) وراتبي طبعا استلمه كل نهاية ترم

لكن مشكلتي اني مو مستقرة وظيفيا =(

يعني تخيلوا كل ترم لازم أنتظر اتصال أو ايميل من الجامعة عشان يقولون لي لي جددنا العقد معك =( وهذي حالتي كل ترم أقول يبوني ما يبوني .. طردوني ما طردوني

يعني مما أحس باستقرار أبدا =(

وكل ما سالت عن التثبيت .. قالوا لي عن طريق الموقع انتظري وقدمي .. والموقع ان نزل .. نزل وظائف لحملة الدكتوراة فقط !!

وأحيانا ألاقي تثبيت محاضرات لهم تعاون ترم واحد بس .. وبنفس الشهادة ماجستير ونفس التخصص .. لكن وش وضعهم .. مستقطبات .. يعني مقدمين عن طريق برنامج استقطاب المبتعثات .. فلهم الأولوية .. وحنا يا بنات البلد اللي درسنا بالسعودية متعاونات فقط !!!

زين الى متى أنتظر وأنا متعاونة ؟؟ 4 سنين .. 5 سنين .. !! أخاف يوم من الأيام يقولون خلاص استغنينا عن التعاون وأروح أنا فيها .. من وين لي شغل !!برضو كحقوق ما عندي تأمينات عشان أستفيد منه ! وخبرتي الوظيفية ما تحسب لي كخدمة تبعا لنظام الخدمة المدنية =(

أنا فكرت بالمدارس الأهلية .. اشتغل مدرسة .. أو أي قطاع خاص ادارية .. معتمد من وزارة العمل بعقد رسمي .. وبتأمينات اجتماعية وموارد بشرية .. بس أحس ان الوظيفة مو على شهادتي أبدا .. أنا معي ماجستير .. وعندي علم ولله الحمد .. فمكاني أكاديمي .. مب اني ما أقدر أشتغل معلمة أو ادارية .. بس أحس هالوظائف مو على شهادتي وتعبي أبدا


أنا يا ناس محتارة في شغلتين :

1/ ايهم أفضل : عملي كمتعاونة في الجامعة بدون أي تأمينات , أو العمل في القطاع الخاص ؟

2 / رأيكم في عملي كمتعاونة وطول فترة الانتظار على أمل التثبيت الذي قد يصل وقد لا يحصل ؟
=(

أراؤكم تهمني

أتمنى انكم تفيدوني وتنوروني

بطبع أختي الكريمه عملك كمحاضره متعاونه

أيش جاب القطاع الخاص لعمل المحاضره

القطاع الخاص مايطلبون محاضرات وأنتي شايفه العروض الوضيفه التي تطرح

بعدين مو واقفه عليهم تحصلين خبره وقدمي على الجامعات الثانيه كل يوم نسمع الجامعات تطرح وظائف وهم يعرفون أن عملك بدون تأمينات والحين عندنا جامعات عد وأغلط ويدورن الي عنده خبره



وبعدين تقدرين تأخذين منهم شهادة خبره وتأكدي من الموضوع من الخدمه المدنيه الي نفس حالتك محاضره

بدون تأمينات تحسب لهم خبره بناء على شهادة الجامعه

وأعيد وأكرر الخبره الخبره وتقدمين على الجامعات الثانيه

وفقك الله

وهذا رابط جامعة نوره تعلن

http://www.pnu.edu.sa/ar/NewsActivit...Vacancy16.aspx

لاتيأسي أختي الكريمه حتى لو وصل الأمر لأكمال الدراسه

يعطيك العافية أخوي على رايك =)

[align=center]
بسم الله الرحمن الرحيم ..السلام عليكم ورحمه الله وبركاته
اولا" حسب الخبره لدي يتم تعينك على احد الوظائف الشاغره التى تقل عن مستواك بالشهاده وهى اداريه او تعليميه بشرط ان تتنازلي عن مستواك بالشهاده ( وافضل القططاع العام ) امسكي الوظيفه الى يريدونها والمعلنين عنها وبعد تعينك تعدلين المستوي ( افضل من عصفور على الشجره )
ممكن تتعينين بالدبلوم او البكالوريس وبعد ذالك يتم تعديل المستوى او الترقيه وشكرا"

[/align]

ودي أفهم يعني ماقول شي بالمبتعثات الله يوفقهم

لاكن أنتم أولا تعرفون نظام الجامعه وعندكم خبره عكس غيركم

بأعتقادي أختي الكريمه

بأنكم بحاجه لتجمع على الأقل 10 محاضِرات كلكم حاله واحده

والتوجه مباشره لمدير أو مديرة الجامعه والمطالبه بحقوقكم ... لابد بأن توصولو صوتكم

سواء عن طريق أدارة الجامعه أو الجهات الأخرى كديوان المظالم وغيره

ومو لازم تكونون كلم بنفس الجامعه أو بنفس المنطقه


يعني كل الي نفس حالتك لازم تبحثون عن بعض وتتحدون

وبالنسبه لدكتوراه / أيش الخوف هذا بأذن الله أنك راح تلقين الأحتياج كبير

وبعدين فيه جامعة المجمعه جامعة شقراء جامعة الخرج كلها قريبه من الرياض

وهناك شركات تقوم بتوصيل

أه نسيت

المدارس الأهليه ممكن تحصلين بس تراى تختلف عن الجامعه وظغط بشغل


لاتنسيانا من دعائك

والله ياختي ماعرف وش الفرق بين متعاونه وكذا

بس اعرف واحد معيد في جامعه وماكمل ماجستير اخر شي حولوه اداري بس مافصلوه

مدري اذا هالشي ينطبق عليك او لا



بس انصحك باللي جربته القطاع الخاص لاتقربينه ابد ابد الا منصبب عالي

السلام عليكم اختي الكريمه
نصيحة من شخص قد اشتغل في مستشفى حكومي متعاون ليس متعاقد بدون راتب فوق سنة ووالله العللي العظيم لاتعيين ولا حتى تشغيل ذاتي فالحكومه صعب تدخلين بابها الا عن طريق الخدمة المدنيه فأنصحك وشوري عليك انك تتوجهين للقطاع الخاص لانه افضل لك كراتب وكمستقبل وترقيات انتي بمكانك مستحيل تترقين لانك متعاونه مجرد زيادة عدد نصيحة لك اتجهي للقطاع الخاص اضمن وافضل وبدل مضيعة الوقت معهم وهم اصلاً مايبونك فقط يغطون فراغ ولا الوظائف محجوزة ومنتهي امرها
\الله يوفقك ياختي يارب ويسهل امرك

يعطيك العافية أخوي ورء الوظايف