صباح الخير


تجلسون تتشكون ويوم يجي العلم الاكيد مدري وين تطسون شوفوا لاتقولون ما احد قلنا هذا انا ابرى ذمتي قبل امس نزلت موضوع وشوفو ردودكم فيه بالله تفقعون الكبد الصراحه كثرتوا مواضيع وزي عدمكم الموضوع يروح ورا ولا أحد يرد عليه بعد



الحين المطلوب كلكم تشعلون تويتر لا تقولون مانعرف تعلموا وادعموا الهاشتاق حق خريجات قديمات

#خريجات_جامعيات_قديمات_عاطلات


اللهم بلغت اللهم فاشهد وخلو يدنا بيد بعض شوفوا الناس تبي الحريم يسوقن واحنا العيشه السنعه مو لاقين

ارجوا تكونون فهمتوا خلونا نتكاتف مو كل وحده يدها على خدها لا ياحبيبتي غلط شدوا حيلكم شدوا حيلكم شدوا حيلكم رفعتوا ضغطي وربي

والهاشتاق يكون نشط لين تطلع اسامينا في المفاضلتين وبكيفهم يدبرون لنا مكان لاتقولون ماينفع ولا ايش معنى نفع مع البديلات والكلية المتوسطة عالعموم ماراح اطول




هذا الموضوع منقوووول
يابنات الجامعيات لازم نطالب بحقنا بيد وحده ان كان مامعاكم تربوي او ماجتزتي قياس خلونا نتفاعل بليزززززززززز

هههههههه ليش معصبه عليهم

الله يفرجها عليكم ويكتب لكم الوظيفة

انا جديدة بس مايمنع ادعم هالهشتاق

بالتوفيق يارب

ماشاء الله عليك عاد من قبل شوي شفت موضوعك في منتدى عالم حواء ندعم ابشري ماطلبتي شين

الله يفرح قلوبنا بالوظيفه عاجلا غير اجلا

اي والله ملينا من الانتظأر سنوات بلا فائدة

قديمات طيب ينفع اللي لها اربع سنوات متخرجه ولا تعتبر توها ببدايه مشوار العطاله؟؟
الله يفررررررررررررررجها ويرزقنا من عنده

انا متخرجه من ١٤٢٣

الله يرزقنا من فضله

الله ينور طريقك ويفرح قلبك باللي تبين كلامك روووعه بصراحه كلام اخت محبه فعلا للخير الله يحفظك

للأسف ما ضيع النساء غير التجمعات ..
القديمات لحال ..والغير تربويات لحال ومجتازات قياس لحال ......
الله يفرج هم الجميع