سلام عليكم

وربي تعبت لا رواتب تكفي ولا راحة بالعمل , انا درست خمس سنين بالجامعة و جلست شهور عاطل و بعدين اشتغلت شهور مصفف ارفف و بعدها شهور بائع و راتبها 3500
نقول الحمد لله اولا و اخير بس انا جامعي و في بلد بحور النفط نبغى رواتب تعزنا و تخلينا نتعفف بالحلال و نتزوج , سنتين متصرفد وراتب ابو كلب مع احترامي لكم بس تعبت من المشرفين الاجانب يطفشونك و اكبر مشكلة انهم ينكرون الجميل و المعروف
ما ودي اقول و اقول لكن خلها على الله
الزبدة تكفون الفزعة اذا تعرف احد بالشركات راتبها 6 و فوق ارسلي خاص و تجيك فوقها هدية حق اتعاب

لاهديه ولا شي اخوي الواحد يساعد اخوه المسلم فيه بن لادن رواتبها جدا عاليه وفيه المجدوعي انا عاطل ترى بس سويت مقابله فالمجدوعي وعرضوا علي راتب عالي 8700 تقريبا لكن مارحت ظروفي ماسمحت وبن لادن رواتبها قويه والله يرزقك ويرزقني بالاحسن ...,,,
الاستغار يفتح لك ابواب الرزق بإذن الله ....,,,,

[align=center][/align] اخوي هذه الخيارات اللي اقدر اقترحها عليك :

- قدم على جدارة
- تابع المؤسسات الحكومية اول بأول وقدم على المسابقات الوظيفية التي تطرحها
- قدم على البريد السعودي كموزع و مأمور عمليات حتى لو بالثانوي وراتبهم فوق 6 آلاف
- قدم على شركة الكهرباء
- قدم على البنوك وخصوصاً الإسلامية منها " الراجحي - البلاد - الجزيرة - انماء " وحاول تروح للفروع الإقليمية
وسلمهم أوراقك يد بيد ولا تكتفي بالنت "
- روح للقواعد العسكرية الأقرب منك وقدم على الوظائف المدنية عندهم خصوصاً التشغيل والصيانة


واسأل رب العالمين يوفقك ويرزقك بالوظيفة والزوجة ..

وعليكم السلام ورحمة الله

إذا إنت بالرياض روح لمستشفى المملكة

وش تخصصك .؟؟ اذا كان من احدى تخصصات الحاسب بتلفى وظايف ورواتب ماتقل عن ٥ الاف

وربي يوفقنا وايااااك

وش تخصصك ي بؤي شكل تخصصك نادر و لا كان ماشتغلت هالشغلات.. اذكر تخصصك يالغالي لعلنا نساعدك بشي

الحال من بعضها لو مادرسنا جامعه حالنا حال الثانوي
ومافيه وظايف الا اقل من مستواك الدراسي

الله يكون بالعون ويوفق الجميع