السلام عليكم ورحمه الله وبركاته

بخش بالموضوع على طول وبالتفاصيل الممله

أنا موظف مرتبه رابعه طلع لي ترشيح من الخدمة لوظيفة مرتبة سادسة


(1)

حالياً بالمرتبة الرابعة بمدينة اخرى 200 كم

*الدوام فله وفله الفله أسوأ الحالات اذا انضغطت بيكون حالي حال جميع الموظفين

*يوم الأحد اداوم من بيتنا الفجر

*الراتب 4622 ريال

* الإيجار والمعيشة 1300

* يوجد إمكانيه للنقل بعد فترة ( مقر الدوام 3 كم )

* في حال الزواج عش الزوجية زاهب ويبي له تشطيب بس (بدون إيجار)


(2)

الوظيفة المرشح لها

بالرياض 500 كم

بقوات الدفاع الجوي "مطور برامج مساعد"

*ناسي أم أم البرمجة 9 سنوات من اخذت الشهادة ولا مارست البرمجة

* إمكانية النقل مبهمه وإن تم بيكون مقر الدوام 90 كم رايح + 90 كم راجع = 180 كم يومياً

* الراتب : 6200 ريال

* الإيجار والمعيشة : مبهمه

* في حال الزواج وأنا بالرياض باكل تبن من الإيجار

ناس يقولون لي راح لاتطوفها عليك بتختصر السنين لك وبتقفز للسادسة

وناس يقولون استخر ربك واحسبها صح

وناس يقولون أقضب وظيفتك والراحة اللي أنت فيها تنشرى لاتبهذل عمرك على زيادة كم ريال بتنحرق بمصاريف وغثى الرياض