تصرفه غبي لما جاب الأمن
ما دام العدد قليل المفروض يسمع كلامهم
ويسجل كلامهم وبعدين يوعدهم أن يوصل كل الكلام وبالفعل
يوصله لتربية
وبس
لكن طريقته هذه خطا
المفروض يمتص الغضب وكذا كذا الخبر بيوصل عن طريق وسائل الاعلام
بس ما حسبها صح

حسبي الله ونعم الوكيل يعني لازم الفضايح ف الجرايد والنت
ما ناخذ حقنا غير بالعلعله

لاحول ولاقوة إلا بالله
وصل الحال إلى كذا
الله يكون في عون الجميع

لا حول ولقوة الا بالله
ماكان له داعي يستدعي الامن كان بأمكانه يتعامل معهم بطريقة أفضل يناقشهم يتكلم معهم أو يتجاهلهم أما يطلب الامن

هذا هو للي جابووو لنفسه
دليل انهم جبنآ للاسف
والقديمات على حق المطالبه بالتعين
وقريبا باذن الله راح ينصرنا على الظلم للي نشوفه
كل يوم قرار ليش احنا مو بشر

وش يحس فيه هالمتخلف؟!!!
عموما رغم ان تصرفه مؤذي للمطالبات الا انه في صالحهم..تصرفه غبي..يزيد الاحتقان عليه هو بالذات اكثر من غيره..التصرف اللي سواه بيزيدهم اصرار.

هذول والله ما عاد ينفع معهم لا مطالبة ولا تجمعات
حق من صب على كل مبنى وزارة بنزين وحرقهم هم وزاراتهم الفاشله
كثر الضغوط تولد الانفجار
خاصه القرارات الاخيره كلها في غير صالح الخريجين والخريجات

حسبي الله ونعم الوكيل ع ك فاسد والله ماطلعهم الا الحاجة تعبوا مافية قرار انصف الخريجات القديمات
اجل يوظفون خربجات كليات المتوسطة من عقلهم !!؟ بعضهم ماعاد لها خلق للشغل صاروا جدات شي يفشل
ومايصير من نتائج البطالة مايعد ولايحصى من امور سيئه ربي يفرج علينا جميعاً

السنوات اللي راحت كانت فوضى و الفوضى مستمرة
كثيرات حصلوا على تعاقد بالواسطة ثم تم تثبيتهن ...
و الله أعلم كم عشرة آلاف معلمة تعينت بهذي الطريقة
و الباقيات الحين فرص توظفيهن معدومة مع الشروط الجديدة

أنا أؤيد التجمعات السلمية للمطالبة بحق التوظيف

تحياتي

ترى الخريجات الأقل منا تأهيلا ما أخذوا حقهم إلا بهذه الطريقة
خريجات دبلوم الكليات المتوسطة و معاهد المعلمات الثانوية و الآن محضرات المختبرات

لولا الضجة الإعلامية و التجمعات [mark=#FFFF00]" المستمرة "[/mark] كان للحين ما حصلوا شي
و كانوا مثلنا يشحذون على أبواب جدارة
تحية لكل خريجة تطالب على النت
أو تتصل بالإعلام أو تنسق لتجمع
خلوهم يعرفون إننا صاحيااات