سلام كيفكم ... ابي افضفض لكم يمكن احد يكون مر بمثل مشكلتي
صار لي من تخرجت 4 سنين وانا في البيت لا شغل ولا مشغله وتخصصي ماث ماني طايقة فكرة أني أصير مدرسة ولا أحب اشتغل هال شغله ولا عندي خيارات كثيرة في هال بلد قدمت في وظائف كثيرة في كل القطاعات حكومي و خاص لكن ماحد عطاني وجه خضت كذا مقابله لكن واضح أني ماأقنعت احد يوظفني مليت وضاقت بي الدنيا حتى مرضت نفسيا وجسديا ... ماني مصدقة صار عمري 28 سنة وللآن ماني عارفه أيش أسوي بحياتي هال نقطة جداً قاهرتني
وبرضوا أخذت دورات كثيرة على حسب قدرتي المالية لكن ما لقيت فرصة
والله جد أيش أسوي طفشت كرهت كل شي حولي صرت انطوائية جداً ومكسورة و مقهورة

قدمي ع كل شئ وأول ماتقدمين عليه التدريس وإذا صرتي مدرسة راح تدرسين فترة بسيطة وسوي تحويل على الارشاد والا تنقلين للاشراف المهم انك تمسكين مقعد حكومي وبعدين تنقلي للي تبين , انا اختي مثل وضعك وصل عمره 29 وهي ماتوظفت صار به نفسية من جلسة البيت وأكره ماتشوف التدريس والحمدلله توظفت مدرسة وهي ماتبيه درست فترة سنة تقريباً وسوت تحويل ع الارشاد وحولت والحين مرشدة طلابية وارتحنا من جلسته بالبيت وراحت البلاوي اللي به ابتلشت بالشغل ومشاكل الشغل ...!

والله يرزقنا وإياك بالوظيفة اللي تتمنين ..

في بنك الاهلي يقبلوا تخصص ماث ،، و اعرف بنات كذا
روحي بنفسك واعطيهم اوراقك ..
اسعي و ابحثي ،،مو كل شي بالساهل واعرفي ان كل تأخيره فيها خيرة
و نصيبك بيجيك لو كان بآخر الدنيا .. هذي الكلمات كلها انا صبرت نفسي بها

ادعي واستغفري ..
تابعي مواقع التوظيف اول باول ، حدثي بياناتك واعملي لها تحديث كل اسبوع او يوميا لو تقدري
ارسلي ال cv مرة و اثنين وعشرة لا تيأسي
لو ضاق فيكي الحال كلمي الشركات و قولي لهم ابغا اشتغل ببلاش ما ابغا راتب
بس ابغا اخذ (((( خبرة )))) و على قدام لما تملكي الخبرة رح تجيكي فرص وظيفية

و بالاخير ،، بامكانك تعملي لك مشروع على قدك تتكسبي منو و يشغلك
والله يفرج همك و هم كل مسلم ،،

و يرزقنا كلنا بالوظيفة الطيبة

شكرًا لكم جميعا