السلام عليكم.. اخواني,اخواتي
كلي امل انكم تفيدوني معي ثلاثين الف ريال وافكر ابدأ بتجارتي من دبي..
ياليت افكار من وين ابدأ وكيف لأني ماعندي اي خلفيه بس سمعت وقريت انه البضائع من هناك فيها خير..
بانتظار افكاركم والله يكتب لكم الخير والرزق الحلال احنا وإياكم وجميع المسلمين.
اتمنى الأفكار تكون ع العام ليستفيد منها الجميع

اللي انا قريته بالنت وشفته وافكر اسويه قريب باذن الله و انصحك فيه اشتر من الصين.... افضل من دبي وارخص بعد ... تروح بنفسك للمصانع وتشتري كميه وتجي تبيعها هنا وبتحصل اضعااااااف المبلغ ... وبالتوفيق ..

الله يبارك لك في مالك ويزيده

لكن لا تشتري من دبي ، لأن أسعار الجملة في دبي مقاربه لأسعار السوق عندنا

عليك بـ الصين اذا تتمنى المبلغ اللي معك يكون دبل مرتين وليس مره


دعواتي لك بالتوفيق ،،،

الله يوفقك يارب
اخي الكريم شف الاخ الوااااايلي اذا ما غلطلت باسمه
البضاعة اللي يجيبها مميزة اتصل به وشف من وين يجيبها
الله يرزقك من واسع فضله

دمعة غلا: الله يوفقك بفكرتك ويحققها لك بأقرب وقت على ارض الواقع وطبعاً اكيد البضاعه من الصين بتكون ارخص ولكن اخاف انه المبلغ اللي معي يضيع بالتذاكر والسكن ومصاريف السفر..
الشي الثاني اني ما ادري ايش اجيب من الصين وكيف التصريف .. مالي خبره بالامور هذي ابداً.
الاسرار الذهبيه : الله يجزاك خير ارجو ارسال رقمك ع الخاص للتواصل لأني من خارج مدينة الرياض .
زرقا اليمامة : ويرزقك يارب اتمنى لو عندك رقم الوايلي ترسليه ع الخاص عشان اتواصل معه.

شكراً لكم من الأعماق لمروركم على موضوعي

للرفع يا اخوان واتمنى من اصحاب الخبره مشاركتنا

اخوي ما انصحك بالصين بالمرحلة الحالية لا الي سمعته ان الافضل ان الواحد يجيب البضاعة من الصين باقل شي خمسين الف حتى تربح

انصحك الان وبقوه انك تجيب من دبي

طبعا انت محتار ما تدري وشو تجيب انا اقولك لازم تروح السوق وتشوف وشو الاشاء الماشية عندنا وحاول تتعرف على العمال واصحاب المحلات ، شوف المتاجر الالكترونية عندنا وشو الاكثر مبيعا

حط في بالك اخوي البضاعة الى بتجيبها لازم تكون في ميولك يعني مو انت راعي بران تجيب شي يخص الرحلات البحرية او العكس

السلام عليكم اخوي دامك منت عارف شي لا تغامر بدون علم , خذ لفة على المواقع وخذ فكرة وش اللي مطلوب بكثرة ,, واللي عليه طلب ... وبعدين قرر لا تخلي احد يقرر بدالك ربما الشي ذا ماشي عنده بالمنطقة وعندك لا , ادرس السوق وايش اللي انت تفضله اي تجارة البضائع اشكال وانواع وكل نوع له زباينه .. حدد هدفك + ادرس هدفك+ قرر واتوكل على الله + اشتري .. وفالك التوفيق ... هذا والله اعلم

[gdwl]شكراً لمروركم على موضوعي وملاحظاتكم محل اهتمامي اسأل الله أن يرزقكم ما تتمنون[/gdwl]

ياليت تعطوني امثله عن البضايع اللي اقدر اجيبها واتاجر فيها وماعليها مشاكل من ناحية الجمارك وخلافه واكون شاكر لكم