السلام عليكم ورحمه الله وبركاته

اانا تخرجت قريب من 4 شهور خذت الوثيقه وحطيتها بالدرج
عاد اللحين ببدى مشوار البحث عن وظيفه الله يسهل علي وعليكم يارب
بديت ادور وأسأل وأحوس ما شاء الله كل شي تطور وصار الكتروني الله يرحم أيام الدوران بالملف الاخضر

الهدف أكون مدرسه بالمدرسة الحكومية الي بحينا هههههههههههه

المهم
1 _ اللحين سويت الخطوه الاولى بحمد الله و سجلت بجدار طيب وبعدين وش أسوي !!!

2_ ابي شرح مبسط للمصطلحات هذي

كفايات معلمين
مفاضله
عدد النقاط وش فايدتها


3 _ اقدر اصير مدرسه وأنا مو تربوي مع العلم ان تخصصي يدرس بالمدارس ؟

وشاكره لكل من يرد

اجتياز اختبار كفايات المعلمين والمعلمات هو شرط لتقديميك للوظائف التعليميه
اختبار الكفايات جزئين خاص وعام ولازم الاجتياز بكل الجزئين
متى ما اجتزتي الاختبار تقدرين تدخلين المفاضلة
والمفاضلة تكون على أساس معدلك والاقدميه ودرجه قياس وفيه موضوع مثبت في القسم يشرح طريقه حساب النقاط
والي نشوفهه من تسجيل الشباب هاليومين
انهم استبعدوا غير التربويين
بالتوفيق

طيب لو ادرس دبلوم تربوي اتوظف بوظيفه تعليميه !!!!

الف مبروك و لا تنسين تسجلين في حافز هههه

أهلا بك في عالمنا عالم العاطلين والحافزيين

والله يرزقنا من واسع فضله

طيب متى تسجيل اختبار الكفايات ؟؟؟ دخلت قياس و ما فيه اي اختبار قريب لا للرجال و لا للنساء !!!

متى يصير الاختبار عادةً في أي شهر ؟

أخر اختبار نسيت التاريخ بالضبط بس اظن اختبرنا شهر 3

اخراختبار كان في شهر 4
الاختبار القادم باذن الله شهر 11
بس التقديم عليه يكون شهر 9 اذا ماكنت ناسية

وبالتوفيق

على حسب تخصصك مو كل التخصصات تختبر ب ١١
لكن الأكيد ان كل التخصصات تفتح بشهر محرم السنه الهجريه الجديدة

انا دقيت على قياس وسألت وقالت التسجيل بيفتح برمضان و الاختبار بيكون بشوال



طيب اللحين الي مو تربوي وش تسوي وش الوضايف المتاحه لهم !!!!!
يعني الي فيزياء مو تربوي هذي وش تسوي بعمرها !!!!