أقول اذا بيحسبون الاختبار المفروض مافي شيء اسمه اجتياز حالنا حال الثانوية وأتمنى الكل يدخل المفاضلة لان والله حرام وقهر ان يجي التسجيل وانت مو قادر تسجل انا الحمدلله اجتزت الاختبار بس عانيت السنة اللي طافت كنت حدي مقهورة لآني مو قادرة أسجل

:بالنسبه ليه اشوف اختبار كفايات ماله داعي اصلا لان السبب معروف علشأن الخريجأت كثير ويبون يقفون ناس علئ حساب ناس مو مثل اول الي بيتخرج يحصل وظيفه طالما مافي وظأئف تعليميه قفلوا الكليات مانقول غير حسبي الله ونعم الوكيل

انا ضد قياس السبب ان ياخذ الفلوس على الفاضي
ثانياً اللي يقول تختبر و تجيب درجة اعلا وش يضمني اجيب اعلا يمكن نفس الدرجة و يمكن اقل
و اللي يثبت كلامي ان فيه خريجين لهم سبع سنوات مو قادرين بس يجتازون مو عاد يجبون درجة اعلا
ثالثاً قياس هدفه واضح يبي فلوس منا لو تطالبون بألغاء الرسوم صدقوني راح ينلغي كله
اللي يقهر انه يتاجر في مستقبلنا و الملك ساكت و الوزرات اغلبها مؤيدة و حنا نروح الضحية
اذا هم فعلا مو واثقين بجدارتنا ينشئون دورات تدريبي تنمي مهارات المعلم
ثالثاً ليه هم ساكتين عن العاطلين اللي ما يجتازون من خمس سبع سنوات ليه ما يشفون السبب في المشكلة و عدم اجتيازه
ليه ما يعطونهم دورات تنمي مهاراتهم ليه المواطن مهمل ليه ما يعالجون المشكلة ..
رابعاً قياس يستهتر فينا و مستخف و الدليل ان الاسئلة تتسرب بسهول و نفس الاسئلة في المرحلة تتركرر نفسها في اليوم الثاني و الثالث و الرابع ..،مع ذلك نجد الذي لم يجتازوا يشكلون نسبة كبيرة ايضاً اسئلة تعجزية لدرجة ان نطلع من الاختبار ما نعرف وش الصح وش الغلط ..
خامساً انظمتهم اللي تتغرر بسرعة لدرجة اننا فقدنا الثقة فيهم و لا نعرف بكرى هو عليك و لا لك
لا تستغرب اذا قرروا ان نتيجة الاختبار صلاحيتها سنة واحدة بدل من خمس سنوات وقتها ما يكون بيدك شيء ترد على هالقرار
و لا تستغرب اذا الغوا نقاط الاقدمية لان خلاص عندك فرصة ترفع نقاطك بجدراتك و هي عن طريق قياس
و لا تستغرب اذا تجاهلوا المعدل مثل ماساوة بدرجة قياس و انتم تعرفون وش يعني المعدل بغض النظر في الجامعة و انظمتها لكن المعدل يعني لنا الكثير دوام اربع سنوات تراكم نتائج اكثر من اربعين مادة بالقليل المغتربين ابتعدوا عن اهلهم و حرموا انفسهم اشياء كثير تحملوا السكن و انظمته هذا غير دراستك التي تعد الاهم من كل هالاشياء بسهول يساونها بأختبار ٣ ساعات درجة تعادل نسبة مئوية من تراكم اختبارات اربع سنوات ترم اول و ثاني فكروا فيها بس شوي ..
لازم نحط حد ضد لانظمة التي لا تراعي مصلحة المواطن و تهمل حقوقة


بالنهاية الوظيفة حق لكل خريج ليس من حقهم منعنا منها
و لا داعي لكل هذه التعقيدات لازم نقف ضدها و لا راح يتمردون
*

والله حرام عليهم نزول مو طبيعى ب النقاط انا كنت ب 81 وصرت 67
ماقول غير حسبي الله ونعم الوكيل.

والله نقاطي ٨١
والحين انخسفت في الستينات
إلى الله أشكو همي وحزني
يارب ليس لي سواك
ما عاد ندري نشتكي مين على مين
لكن الشكوى لله وحده

يعني أنت زعلانة علشان نقاطك نزلت طيب الكل نزلت نقاطه مي مشكلة نزول النقاط

ونقاطك الآن كفيلة بتعيينك,ولكن النية السيئة تكون سبب دائم لعدم التوفيق

وبالموضوع مكتوب (نقاش )

أنا مجرد طارح للموضوع لنر رأي الغالبية بالقرار

وأنا وضعت رأيي الشخصي, وأنت رأيك مو عاجبك دخول القياس قولي رأيك ويحترم

ولكن تدعين .......إلخ ارتقي بأٍسلوبك حتى يبارك لك الله