وش هالقرار؟!!
طيب اللي عندهم بكالوريوس بالآلآف تختصر عليهم سنوات الدراسة و توظف اللي عندهن بكالوريوس و عاطلات

اي و الله ما ندري نضحك و الا نبكي

المشكلة يعقدون التوظيف و هم قابلين ناس ثانوي و اقل من الثانوي !!!

و بيدرسونهم انتساب ! ،، يعني ما عندهم مشكلة مع الانتساب و معترفين فيه طيب ليش مانعين خريجين الانتساب من الدخول للمفاضلة ؟؟؟ وش نسميه هذا ظلم و الا مزاجيه ؟

لاحول ولاقوه الا بالله هذا اكبر دليل انهم ماهم اهل للمناصب اللي هم فيها
الحين اللي بالثانوي مدرسه والجامعيات العاطلات ماهم جديرين بالتدريس عشنهم مااجتازوا قياس والانتساب ماهم محرومين من الوظايف التعليميه كيف الان انظمتهم تؤيد الانتساب وتريد منهم دراسته
هذولا يبالهم مظاهره مايبيلهم مطالبات بسيطه
قسم بالله قمممممة الظلم والقهر والغبن اجل المؤهلات دون الجامعيه توظف واحنا عاطلات اااااه ياربي حسبي الله ونعم الوكيل وين الملك عنهم وين المسؤولين عنهم

عطوهم تقاعد ايش تطورون وايش تخلون
ياناس وظفوننا حنا مؤهلين اكثر منهم

المفروض من ضمن المطالب نطالب اقالة نوره الفايز خلاص تعبنا تعبنا عمرنا راح واحنا ننتظر

اكثر قرارات الوزراه فيها تخبط وغير مدروسه
ليتهم يشوفون حل لتكدسنا

افرحووو يابنات والله شي يرقص من الفرححه
مدري اش اقول
نضحك على غباءهم ولا على هبالتنا اللي منتظرين منهم شي وهذي قرارتهم المخجله
اجل اللي مؤهلها اقل من البكالوريوس تدرسونها وكأنو البلد مافيها غير هما والجامعيات تخللو من البطاله
ولا الانتساب اللي همشتوهم وجايين حضرتكم تساعدون اللي بالانتساب تكمل دراستها
قمممممممممممممممممممة التخلف
من هذا القرار انا غسلت يدي بكلووور هههههههههه

يعني فيه معلمات بالثانوي بسسسسس وانا اكرف طول عمري عشان اجلس بالبيت
وتاركين خريجات البكالوريوس ويطورون في العجايز خلاص خدمت اكثر من عشرين سنه وش تبي زياده يبون يدرسونهم بعد والله هم يضحك وهم يبكي
وش هالقرار مثل اللي يقول قالوا ثور قال احلبوه ههههههههههههههههه
مهززززززززززززله

لاشاب ودوه الكتاب
هههههه والله قرارات تضحك وتبكي مدري يمزحون والا من جدهم ؟

الحمد لله وشاهد شاهد من اهلها ؟؟؟؟!!!!!!!!!!!!!!!
هل يعقل يوظفون معلمات يدرسون اجيال بمؤهل" ثانويه+معهد المعلمات +دبلوم الكليه المتوسطه ؟؟؟وين البحث عن الكفاءه والاجدر وطلعوا للخريجات حاملات البكالوريوس اختبار قياس وكل التعقيدات والتعجيز للبكالوريوس حتى مع اجتيازنا لقياس احتسبوا الدرجه بالعربي ضيعوا مؤهلاتنا ودوراتنا حنا يالبكالوريوس وموظفين اقل مننا باي وجه حق هذا الكلام !!!!!!!!!!!!!!!!!!!وبكل جراءه وقوات عين يبون "ياهلون شاغلات الوظائف التعليميه من حاملات مادون البكالوريوس "قلوا خريجات البكالوريوس ؟؟؟؟؟
2:عباره"بهدف تطويرهن نوعيا ورفع مستوى تاهيلهن الى المستوى الذي يمكنهن من اداء عملهن بكفاءه وفعاليه "اعتراف صريح ان مادون البكالوريوس غير مؤهل وهذا الشئ الطبيعي
فعلا عاثوا في الارض فساد الاقل تعليم والاقل تاهيل توظف والحاصل على درجه علميه عاليه ويحمل دورات شهادته حبيسه الادراج لاحد يقول هذي ارزاق ويتفلسف المفروض الانظمه تطبق على الجميع يعني قياس يطبق حتى على الموظفين وهم على راس العمل اتحدى انهم راح يتصفون تصفيه
عجب ؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!! !