30-05-2014, 11:43 AM
|
 |
عضو متواصل
|
|
تاريخ التسجيل: Oct 2009
المشاركات: 42
معدل تقييم المستوى: 16743
|
|
تبغى تتوظف وتحس انك انسان مثل باقي الخلق
والله ذي طريقة مضمونه وتتوظف الوظيفه الي تبغاها .؟
وانا مجربها والحمد لله قاعد انتظر النتايج 29/8 نتايج الترشيح للوظايف التعليمه
انا متاخر عن دفعتي سنه ونص قل سنتين .. وراسب في قياس 4 مرات
اخووياي توظفو وتعينو وتزوجو وجاهم اولاد . الله يرزقنا وياهم . وانا اجلس
معهم بارد وجهي .احس اني ناقص بينهم .واذا انا بغيت اشحن او اتعشى اطلب ابوي او امي او اخواني لكن هم على طول للصرافه ويسحب فلوس.. وما وقفت على الفلوس بس الروتين بحد ذاته يجيب المرض والاكتئاب اصحى 2 باليل لحالي والناس كلها نايمه والصباح اودي الاطفال للمدرسه وارجع انام .مااناام من التعب لا من الطفش والهم وضيقة الصدر .ناس تقعد الصبح تقاب ارزاقها وانا اقعد على الفلس والضيق ..جلست سنه و 4 شهور عاطل شفت الموت طقت روحي
جالس احس اني صرت عاله على اهلي مالي قيمه . الدنيا ضلمة بوجهي . نفسيتي راحت فيها وسوست
صرت افكر وكنت باني احلام وامال بالزواج وسياره و وكنت متوقع اجتاز قياس واتحقق لكن بعد 4 مرات يأست
وقياس حطم واحرق كل احلامي . ماودي ادخل بالتفاصيل كلها لان مايعبر عن الي بقلبي ..
باختصار رجعت لربي وتوكلت عليه وأمنت ان الرزق من الله وليس من واسطة فلان وعلان . < حتى واسطات بمدارس خاصه والله ماتوفقة فيها لاني حطيت ثقتي بالواسطه ونسيت ان الامر كله بيد الله ..
دعوة ربي دعوة مضلوم فقير ضعيف . لاحول ولاقوه لي الا بك يارب .. استغفر يوميا وكل ساعه وكل دقيقه .. واذا جلست وانا ماسك جوالي اسغفر . وحافظت على الصلاه ورجعت لربي صح واسال الله يثبتني واياكم على الدين .. وتركت فلان وعلان وماقمت اسولف بيني وبين نفسي ذا شلون توظف وذا من وين له فلوس شرا سياره وذا كيف دخل العسكريه وهو قصير .. زمان والله اني كنت اراقب البشر واكبر همي هالناس وش سوو وش فعلو . بس الحمد لله كل تاخيره فيها خيره وهذا تنبيه من ربي اني غفلة عن كلامه عز وجل
قال تعالى:
(( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ))
قلت يارب ان كان رزقي بعييد فقربه وان كان قليل فاكثره وان كان لايوجد فيه بركه ف بارك فيه . يارب ارزقني عاجلا غير اجل ..
الله اذا احب عبدا ابتلاه والله سبحانه يحب يسمع صوت عبده وهو يطلبه ويلتجا اليه .. وصراحه ماكنت ادعي الا اذا صليت ومرات انسى . والله اذا ابتلا عبد مايرزقه على قوة صبره وتحمله لا يرزقه على الحاحه بالدعاء والاستغفار انا اقدر اصبر 20 سنه بدون وظيفه . اكل عند ابوي واشرب وانام .. لكن الدعاء يختصر لك ال 20 سنه وياليتني ادعي من اول مادخلت الجامعه .. بس الحمد لله كل شي خيره . .
رئيس قياس يتحدى الخريجين وصراحه اسالتهم مايتخرج منها الا العباقره وانا ايش ذنبي بعد 4 سنوات ادرس على ايدي دكاتره م يفهمون ونصهم ينجحون بالمصالح .. عدلو جامعتكم يتعدل مستوى الخريجين .. وانا من دخلت الكليه ماكنت اعرف ان نهاية الطريق قياس احسب شهادة واتعين ..
دعيت ربي والحيت عليه بالدعاء من ضلم قياس ورجعت بقلب صادق متضرع لله وحده .. والنتيجه ؟؟
نجحت بالاختبار الخامس للقياس وبدون مذاكره وماني فاهم اي شي فيه . بدعوه صادقه بس نجحت غصب عن رئيس قياس وجبت درجه عاااااااليه كله بفضل الله والحمد لله حمدا كثيرا .. ودخلت المفاضله وحددة الرغبات وانتظر النتيجه ومتفائل ومتوكل على الله حق توكله انه يرزقني بالوظيفه الي تفرحني وتنسيني تعب هالسنه الي شفت الضيم فيها .. ورسمة البسمه على وجه ابوي وامي واهلي كلهم .. لاني كنت كاسر خواطره بس م يبينون علي عشان م انكسر واضعف ... وارتاحة نفسيتي ورجع طعم الحياه ولونها احسن من اول .. والحمد لله حمدا كثيرا وابدا والله يرزقنا وياكم السسعاده والرزق الحلال ويوفقنا دنيا واخره ...
اخوي انا حاس بالي انت حاس .. تبغى يصير لك مثل ماصار لي ^
اعرف وشو تقصيرك مع الله وصلحه اليوم قبل بكره . واوعدك انك ترجع للمنتدى بعد فتره ماهي طويله وتقولي الله يعطيك العافيه يالي علمتني هالطريقه المضمونه وخليتني اتوظف ورجعتني للحياه من جديد ..
اخوي لايغرك كلام واسطه ابشر راح اكلم ابو فلان . والله كنت اثق فيهم وان خلاص اذا كلم ابو فلان بكره انا متوظف . خرررطي والله خرررطي كلام بششر .كلمة واصلين وكلمة تجار وكلمة مدراء مدارس . وكلمة واحد اخوياه يشتغلون بالاماره عند الامير .. كلللللللللللهم وعدوني والى يومك ذا ماوظفوني .!! لاني علقت قلبي وامالي فيهم
ونسيت ان الرزق م يحتاج معروض ولا موعد مع امير ولا كم رقم معاملتك .؟
الرزق يجيك بسهوله عن سجدة وتر بمنتصف الليل وبدعوة صادقه من قلبك الى الرازق سبحانه
وفي الختام ماتعبت وقعدت 10 دقايق اكتب عشان تقرا بسرعه او تقول ذا ي كثره كلامه .. قعدت عشان ادلك على طريق الخير ومعتبرك انت وكل واحد عاطل وقفلت جميع الابواب بوجهه اخوان لي .. تكفى طبقها ماتعبت الا من غلاتك وانا ماعرف حتى من انت لكن اخوي بالاسلام وابي له الخير . وباذن الله راح تكتب الي كتبته وتنصح ناس غيري بعد ماتتوفق وتتوظف وتعيش حياتك مبسوووط وادعيلي يالغالي ... فمان الله
|
العرض العادي
