بسم الله الرحمن الرحيم و به نستعين ،والصلاة والسلام على اشرف المرسلين سيدنا محمد صلى الله عليه وسلم نبي الهدى المصطفى الأمين وعلى آله وصحبه أجمعين أما بعد يسعدني أن أطرح هذا الموضوع :

أنا باحث عن عمل وللحين أبحث ، الله يوفقنا وياكم

لكن مو هذا موضوعنا ، السالفه ومافيها "الزبده"
تلاقي مواضيع من مسؤولين التوظيف الله يهديهم
ينزل الموضوع ويكتب " المسمى الوظيفي " الإيميل

ياخي مشكله لما نتواصل على الأيميل ، أخرتها يقولك لا والله نبي شهاده " جامعيه " طيب من حقك
بس اكتب بموضوعك لاهنت عشان مانتعب على الفاضي ، والشيء الثاني .. لا كلمته قالك الراتب راح يكون 3000 ريال!! ، المهم
ارجوا من المراقبين والمسؤولين بالمنتدى العريق
انهم يضعون حد ، وشروط أنا شفت موضوع مثبت
بس ما أشوف الناس تتقيد فيه الله يهديهم

مفروض ينزل موضوعه :

1_ المسمى الوظيفي
2_ الراتب الشهري
3_ ساعات العمل ( مسائي صباحي )
4_المؤهل العلمي ( كفاءه ، ثانوي ، جامعي ...)
5_ البدلات والتأمين .. إلخ

بكذا الواحد يشوف اللي يناسبه
وترتاح أنت من التقديم الخاطئ
وأرتاح أنا من البحث والتقديم على غير فايده

وفي النهايه ما أعمم ،فيه ناس جزاهم الله خير مسهلين الموضوع " الله يجعله في ميزان حسناتكم

لاهنتوا ياخوان ، والله يجزاكم الف خير
علماً بأني جديد بهالمنتدى اللي ينثر أبداعه بشتى الأماكن ، وإن شاء الله واثق أني بحصل وظيفه لائقه بهالمنتدى بفضل الله