14-10-2014, 03:47 AM
|
عضو جديد
|
|
تاريخ التسجيل: Jun 2014
المشاركات: 36
معدل تقييم المستوى: 22
|
|
اقتباس:
المشاركة الأصلية كتبت بواسطة احمد اسامة
الله يعطيك العافية على المعلومات المهمة اخوي ليجينديا. والله يريح خاطرك يارب بخصوص موضوع الطول و الوزن ان شاء الله يمشيني انا كمان و يكون مزاج الدكتور رايق، عندك فكرة كم كان طول و وزن الشخص اللي الدكتور العام مشاه عشان اتطمن زيادة ؟؟؟ و يا ليت تعطيني اسم هذا الدكتور العام اللي في يده يمشي او لا (اسمه مهم جداً بالنسبالي) ؟؟؟ و زي ما سألوك الأخوان في الردود السابقة نتيجة الكشف الطبي انت تاخدها و تسلمها الموارد البشرية ولا هما يرسلوها لهم ؟؟؟ و بالنسبة للجنائيات اللي انا لسه مني عارف فينها هههههههه، اجراءاتها تخلص في يوم واحد ولا يبغالها تسليم معاملة و تراجعهم بعد اسبوع او اسبوعين و شغله طويله ؟؟؟
في جميع الاحوال الموضوع حياخد مني غالباً الثلاثاء و الأربعاء للكشف الطبي و الخميس للجنائيات و شكلها اللبس كاجوال يا صاحبي لووول و ان شاء الله اخلص كل الاجراءات قبل نهاية الاسبوع، ما احب يدخل عليا الويك اند و يكون عندي شغلات معلقه لبداية الاسبوع !!! 
مرررررة شكراً على المعلومات و مررررة سامحني على اسئلتي الكثيرة  |
أخوي انت شايل هم الكشف بزيادة ههههه, وسع صدرك يا رجال ترا سهالة الوضع ولا تشيل هم, مثل ما وضحت الكشف ما حيرسلوه دايركت لادارة التوظيف, انت ترسلها بنفسك!
انت أول شيء بتروح لمبنى 5 بتعطيهم نسخة من الشهادة + كشف الدرجات (ما قالو في الرسالة بس حيطلبوه فلازم تجيبه) + 10 صور شخصية + صورة من الاحوال وبعدها بيعطيك ورقة الكشف الطبي ويقلك روح للميديكال وخلص أمورك وارجعلي بورقة القبول وحيعطيك كمان خطاب لادارة الجنايات, انت حتروح بعدها للميديكال وتخلص اجراءات الفحص اللي بتاخذ يومين الين ما يعطوك ورقة إنك لائق طبيا بعدها انت بترجع لمبنى 5 عند نفس الشخص اللي أعطيته أوراقك وأعطاك ورقة الكشف والخطاب, بتعطيه نتيجة الكشف علشان يكمل اجراءات توظيفك وهكذا. أما بالنسبة للجنائيات سهالة مرة, أول ما تدخل بتلاقي قدامك كراسي وانتظار, انت بتروح وتسحب رقم وتنتظر الين ما يجي دورك وتدخل للعسكري وتعطيه خطاب الخطوط + صورة من الاحوال + صورة شخصية وبعدين يدخلك علشان تبصم وبس, يعطيك بعدها زي التكت علشان تراجعهم بعد اسبوعين لمن تطلع النتيجة.
بالنسبة للدكتور أعذرني ما قريت اسمه, بس هو أسمر وشايب لكن مثل ما قلت انت شايل همها كثير والموضوع أصلا سهالات, ما ألومك بصراحة من بعد ما اجتزت اختبار اللغة والمقابلة ودحين بينك وبين توقيع العقد الكشف الطبي, بس ما عليك منها روح وانت موسع صدرك ولا تشيل هم.
اقتباس:
المشاركة الأصلية كتبت بواسطة شايب رايق
جزاك الله خير فعلا في رسالتهم كاتبين الفحص يأخذ يومين، شايل هم الأسنان مدموره قليل في حقها  |
واحد من الشباب عنده تسوس في الاسنان والدكتور قله عندك تسوس وصلحه بس مشاه, فإن شاء الله يمشيك ولا تشيل هم.
اقتباس:
المشاركة الأصلية كتبت بواسطة جاكوارر
سلام شباب بالنسبة لبرنامج رواد المستقبل
أحد جاه رسالة بموعد الفحص الطبي بعده جاته هذي الرسالة
(خطا في موعد الكشف الطبي)، عزيزي المتقدم لبرنامج "السعودية" لرواد المستقبل "المحترم" نعتذر عن الخطا الذي حصل في موعد الكشف الطبي ،، سنوافيك بموعدك لاحقا .
مع تحيات ،،، ادارة برامج التدريب الخاصة والابتعاث .
|
إي نعم جات للكل, بالنسبة لي أنا جاتني وبعدها بنص ساعة تقريبا اتصلو بي وقالو أرسلنالكم رسالة اعتذار للكشف وبكرا ان شاء الله بتجيكم رسالة جديدة بموعد الكشف الجديد, أنا سألته اذا الكشف بيكون ذا الاسبوع أو اللي بعده, قلي لا مافي كشف ذا الاسبوع, حيكون الاسبوع الجاي.
التعديل الأخير تم بواسطة ليجينديا ; 14-10-2014 الساعة 03:50 AM
|
العرض العادي
