والله ما أحب أحبطكم, اليوم لمن دخلنا المبنى أعطيناهم الأوراق اللي طلبوها وبعد انتظار أعطونا ورقة الفحص الطبي وطلبو منا نروح للميديكال حقهم ونسوي الكشف, أنا قبل ما أخرج من عندهم قابلت مدير التوظيف ممدوح طيب, وسألته اذا في باقي دفعات للمشرفين ما جاتهم رسائل للقبول, قلي لا خلاص أرسلنا لكل المقبولين واللي عددهم 25 متقدم, بعدها خرج على طول لأنه واضح انه مشغول, رحت بعدها دخلت أحد المكاتب وسألتهم عن الرواد فقالولي نحنا ما عندنا أي خبر بيهم وهذولا تروح لهم عند المبنى اللي في شارع فلسطين تقاطع الستين لأنه هناك ادارتهم, اما عن تقنية المعلومات ما عندهم خلفية, أنا فكرت أروح مكتب ثاني واسأل بس لقيت أغلب مكاتب الموظفين مشغولين يسلمون على بعض وشغالين حكاوي عن الاجازة فقلت لا أقاطعهم وخليني ألحق الشباب على الميديكال فأعذروني لو ما جبت لكم أجوبة شافية.

بالنسبة للميديكال, الله يعينكم على الانتظار, سوينا اليوم 3 فحوصات عينات بول وتحليل دم وكشف أشعة الصدر وكشف الأسنان, وبعدها جات الساعة على 1 الظهر قالو خلاص تعالو بكرا كملو باقي الفحوصات, أتوقع باقي فحص انف واذن وحنجرة والبصر والسمع وقياس الطول والوزن ومقابلة الدكتور العام.
غير الكشف الطبي, عندك خطاب تقدمه لإدارة الأدلة الجنائية لطلب صحيفة الحالة الجنائية, وهذي للي يبغا يسويها لازم تجي الصبح بدري علشان تسوي البصمة وتحجز رقم لأنهم يسوون فقط لأول 200 شخص وكمان فقط من 8 الصبح الين 12 الظهر, ويقلك تاخذ الصحيفة بعد اسبوعين.

بعدها رجعت البيت وعلى الساعة 3 وربع يتصلني ناصر ياسين حق برنامج الرواد يباركلي بتجاوزي المقابلة الشخصية وتحديد موعد الكشف الطبي اللي بيكون الاربعاء هذا, اللهم لك الحمد والشكر كما ينبغي لجلال وجهك وعظيم سلطانك ^______^
أنا بكمل ان شاء الله اجراءات الكشف الطبي غدا وحقلهم يحسبوها ليا في الرواد, وأنا أعلن انسحابي من المشرفين.

والله يوفقكم جميعا, واللي ماجاله نصيب في أي من هذه البرامج, اسأل الله أن يرزقه خيرا منها.

^

ماشاء الله تبارك الله, الله يوفقك ياخوي ليجينديا. وأنصحك بالاستخارة.

ربي يوفقكم ان شاءالله

ما شاء الله . الله يكتب لك كل خير في الدنيا والأخرة يارب والف مبروك .

ممكن اذا تكرمت ترسلي رقم ناصر ياسين على الخاص الله لا يهينك

ما شاء الله تبارك الله
مبروك ياخوي ليجينديا والحمدلله الي رزقك ويسر أمرك بالثنتين واستخير وربي يختارلك الخير منها.

أنا بحمدالله وتوفيقه موعد الكشف للمشرفين التنفيذيين الثلاثاء 8 الصباح بس تقولي شغلة كشفهم مطول وفيها أدلة جنائية..! الي من برا جده كيف؟! أفضي نفسي 3 أيام هناك !!

وأسأل الله أن يوفق الجميع لما يحبه ويرضاه ومن لم يكتب له لعلها خيرة ورزقك قادم باذن الله فقط ارضى واحمد الله على كل حال.